ફેબ્રુઆરી મહિનો પૂરો થવાનો છે અને માર્ચ મહિનો શરૂ થવાનો છે. દર મહિનાની જેમ આ મહિને પણ ઘણા નિયમો બદલાવાના છે.
આ નિયમોમાં ફાસ્ટેગ, એલપીજી ગેસ સિલિન્ડર અને સોશિયલ મીડિયાનો સમાવેશ થાય છે. નેશનલ હાઈવે ઓથોરિટી ઓફ ઈન્ડિયાએ ફાસ્ટેગના KYC અપડેટ કરવાની છેલ્લી તારીખ 29 ફેબ્રુઆરી નક્કી કરી છે.
એલપીજી સિલિન્ડરની કિંમતો
એલપીજીના ભાવ દર મહિનાની પહેલી તારીખે નક્કી કરવામાં આવે છે. ઓઇલ માર્કેટિંગ કંપનીઓ દર મહિનાની પહેલી તારીખે ઘરેલું કોમર્શિયલ ગેસ સિલિન્ડરની કિંમતો નક્કી કરે છે. આ વખતે કંપનીઓ કોમર્શિયલ સિલિન્ડરની કિંમતમાં વધારો કરી શકે છે.
સોશિયલ મીડિયાના નવા નિયમો
કેન્દ્ર સરકાર 1 માર્ચથી સોશિયલ મીડિયા સંબંધિત નવા નિયમો લાગુ કરવા જઈ રહી છે. કેન્દ્ર સરકારે તાજેતરમાં IT નિયમોમાં કેટલાક ફેરફારો કર્યા છે. આ નવા નિયમો અનુસાર, સોશિયલ મીડિયા પ્લેટફોર્મ X, Facebook, YouTube અને Instagram પર ખોટા તથ્યો પોસ્ટ કરવા પર ભારે દંડ લાગશે.
ફાસ્ટેગ kyc
નેશનલ હાઈવે ઓથોરિટી ઓફ ઈન્ડિયા (NHAI) એ ફાસ્ટેગના KYC અપડેટ કરવાની છેલ્લી તારીખ 29 ફેબ્રુઆરી નક્કી કરી છે. જો તમે આ તારીખ સુધીમાં તમારા FASTag ની KYC પૂર્ણ નહીં કરો, તો તમારું FASTag નિષ્ક્રિય થઈ શકે છે અને નેશનલ હાઈવે ઓથોરિટી ઑફ ઈન્ડિયા દ્વારા બ્લેકલિસ્ટ કરવામાં આવશે.
બેંક રજાઓ
જાહેર અને ખાનગી ક્ષેત્રની બેંકો માર્ચ 2023માં લગભગ 12 દિવસ બંધ રહેશે. જેમાં શનિવાર અને રવિવારની બે રજાઓનો પણ સમાવેશ થાય છે. RBI દ્વારા જાહેર કરાયેલ રજાના કેલેન્ડર મુજબ, 11 અને 25 માર્ચે બીજા અને ચોથા શનિવાર હોવાથી બેંકો બંધ રહેશે. આ ઉપરાંત 5, 12, 19 અને 26 તારીખે રવિવારના કારણે બેંકમાં રજા રહેશે.
SBI ક્રેડિટ કાર્ડના નિયમોમાં ફેરફાર
જાહેર ક્ષેત્રની બેંક સ્ટેટ બેંક ઓફ ઈન્ડિયા 1 માર્ચથી તેના ક્રેડિટ કાર્ડના નિયમોમાં ફેરફાર કરવા જઈ રહી છે. બેંક 15 માર્ચથી તેના ન્યૂનતમ દિવસના બિલની ગણતરીના નિયમોમાં ફેરફાર કરવા જઈ રહી છે. બેંક આ માહિતી તેના ગ્રાહકોને મેઈલ દ્વારા મોકલી રહી છે.
GST નિયમોમાં ફેરફાર
કેન્દ્ર સરકાર 1 માર્ચથી GST નિયમોમાં મોટા ફેરફાર કરવા જઈ રહી છે. માર્ચ મહિનાથી 5 કરોડ રૂપિયાથી વધુનું ટર્નઓવર ધરાવતા બિઝનેસમેન ઈ-ઈનવોઈસ વિના ઈ-વે બિલ ઈશ્યુ કરી શકશે નહીં. GST ટેક્સ સિસ્ટમ હેઠળ, જ્યારે 50,000 રૂપિયાથી વધુનો માલ એક રાજ્યમાંથી બીજા રાજ્યમાં મોકલવામાં આવે ત્યારે ઈ-વે બિલની જરૂર પડે છે.