1 જૂન: બે દિવસ પછી નવો મહિનો શરૂ થવા જઈ રહ્યો છે. જૂન મહિનાની શરૂઆત સાથે જ ઘણા નિયમો બદલાવાના છે. જેમાં બેંક, ITR અને LPG સિલિન્ડર સહિતની સેવાઓ સંબંધિત નિયમોનો સમાવેશ થાય છે. જેની સીધી અસર ગ્રાહકોના ખિસ્સા પર પડશે.
આ સિવાય દેશના કરોડો EPFO ખાતાધારકો માટે નિયમોમાં ફેરફાર થવા જઈ રહ્યા છે. આ રિપોર્ટમાં જાણીશું કે 1 જૂનથી કયા નિયમોમાં ફેરફાર થવા જઈ રહ્યા છે.
EPFO ના નિયમોમાં ફેરફાર – EPFOના નિયમો 1 જૂનથી બદલાશે. નિયમ મુજબ, તમામ ખાતાધારકોએ તેમના પીએફ ખાતાને આધાર કાર્ડ સાથે લિંક કરવું જરૂરી છે. જો તમે 1 જૂન સુધી તમારા આધારને PF સાથે લિંક નથી કરાવ્યું તો તમારે ઘણું નુકસાન સહન કરવું પડી શકે છે. EPFO દ્વારા આ સંદર્ભે એક નોટિફિકેશન બહાર પાડવામાં આવ્યું છે.
ITR વેબસાઈટમાં થશે ફેરફાર – ITR ફાઇલ કરનારાઓ માટે મોટા સમાચાર. નવી ITR વેબસાઇટ 7 જૂનથી શરૂ થશે. એટલે કે 1 જૂનથી 6 જૂન સુધી તમે આ વેબસાઇટનો ઉપયોગ કરી શકશો નહીં. તમારે નવી વેબસાઇટ www.incometaxgov.in પર જવું પડશે અને તમે 6 દિવસ સુધી તેનો ઉપયોગ કરી શકતા નથી. આવકવેરા વિભાગની ઈ-ફાઈલિંગ સેવા કામ કરશે નહીં.
બેંક ઓફ બરોડા ચેક પેમેન્ટની પદ્ધતિમાં ફેરફાર કરશે બેંક ઓફ બરોડા પણ નિયમોમાં ફેરફાર કરવા જઈ રહી છે. જો તમારું પણ આ સરકારી બેંકમાં ખાતું છે, તો પહેલી તારીખથી બેંક ચેક પેમેન્ટની રીત બદલવા જઈ રહી છે. બેંક ઓફ બરોડાનું કહેવું છે કે જો કોઈ ગ્રાહકે રૂ. 2 લાખનો ચેક જારી કર્યો હોય તો ગ્રાહકે પહેલા તેના ચેકની વિગતોની પુષ્ટિ કરવી પડશે.
નાની બચત યોજનાઓના દરમાં ફેરફાર- આ સિવાય સરકાર નાની બચત યોજનાઓના વ્યાજ દરોમાં પણ ફેરફાર કરી શકે છે. કેન્દ્ર સરકાર દર ક્વાર્ટરમાં વ્યાજ દરોની સમીક્ષા કરે છે. નવા વ્યાજ દર 30 જૂનથી ફરીથી લાગુ થશે.
ગેસ સિલિન્ડરના ભાવ વધશે સરકારી તેલ કંપનીઓ દર મહિને ગેસ સિલિન્ડરના ભાવની સમીક્ષા કરે છે. IOCL સહિતની ઓઈલ કંપનીઓ પહેલી તારીખથી ગેસ સિલિન્ડરના ભાવમાં વધારો અથવા ઘટાડો કરી રહી છે. હાલમાં દેશના ઘણા શહેરોમાં ગેસ સિલિન્ડરની કિંમત 1000 રૂપિયાથી વધુ છે.