દિલ્હી.
જસ્ટિસ સૂર્યકાંત, જસ્ટિસ દીપાંકર દત્તા અને જસ્ટિસ કેવી વિશ્વનાથનની બેન્ચે પૂર્વ સૈનિક રામ લાલ જાટ દ્વારા દાખલ કરવામાં આવેલી અપીલને ફગાવી દીધી હતી. તેઓ 2017 માં સેવામાંથી નિવૃત્ત થયા હતા અને 25 મે 2018 ના રોજ રાજસ્થાન પોલીસમાં કોન્સ્ટેબલની પોસ્ટ માટે અરજી કરી હતી. રાજસ્થાન પોલીસ સબઓર્ડિનેટ સર્વિસીસ રૂલ્સ, 1989ના નિયમ 24(4) હેઠળ તેમની ઉમેદવારી નકારી કાઢવામાં આવી હતી.
રાજસ્થાનમાં એવી જોગવાઈ છે કે જો કોઈ ઉમેદવારને 1 જૂન, 2002ના રોજ અથવા તે પછી બે કરતાં વધુ બાળકો હોય તો તે સરકારી નોકરી માટે લાયક ગણાશે નહીં. રામ લાલ જાટને 2 થી વધુ બાળકો છે. તેણે અગાઉ આને હાઈકોર્ટમાં પડકાર્યો હતો. ઓક્ટોબર 2022માં હાઈકોર્ટે હસ્તક્ષેપ કરવાનો ઈન્કાર કરી દીધો હતો. જસ્ટિસ કાંતની આગેવાની હેઠળની બેન્ચે જણાવ્યું હતું કે, પંચાયતની ચૂંટણી લડવા માટે યોગ્યતાની શરત તરીકે સમાન જોગવાઈ રજૂ કરવામાં આવી હતી. તેને 2003માં સુપ્રીમ કોર્ટે માન્ય રાખ્યું હતું. તે ઉમેદવારોને ગેરલાયક ઠેરવે છે જો તેમની પાસે 2 કરતાં વધુ જીવંત બાળકો હોય. આ જોગવાઈનો હેતુ કુટુંબ નિયોજનને પ્રોત્સાહન આપવાનો હતો.