ટૂંકા સમયગાળામાં 5 કંપનીઓ IPO દ્વારા બજારમાંથી નાણાં એકત્ર કરવા તૈયાર છે. આ કંપનીઓ મળીને રૂપિયા 4,200 કરોડ એકત્ર કરશે. પ્રથમ આજે IPO 13 ડિસેમ્બરે અને છેલ્લો 18 ડિસેમ્બરે ખુલશે. આવી સ્થિતિમાં રોકાણકારોને ફરી એકવાર IPOમાં નાણાં રોકવાની તક મળશે. ઇન્ડિયા શેલ્ટર અને ડોમ્સ ઇન્ડસ્ટ્રીઝનો IPO 13 ડિસેમ્બરે ખુલશે અને 15 ડિસેમ્બરે બંધ થશે. બંને કંપનીઓ રૂ. 1,200-1,200 કરોડ એકત્ર કરશે. તેમની કિંમત અનુક્રમે રૂપિયા 469-493 અને રૂપિયા 750-790 છે. આઇનોક્સનો ઇશ્યૂ 14-18 ડિસેમ્બર સુધી ખુલશે જેની કિંમત રૂપિયા 627-660 છે. મોટિસન્સ જ્વેલર્સ અને સૂરજ એસ્ટેટનો IPO 18-20 ડિસેમ્બર દરમિયાન ખુલશે. 20 વર્ષ બાદ કોઈ ઓટો કંપની IPO લાવવાની તૈયારી કરી રહી છે.. ઓલા ઈલેક્ટ્રીક રૂપિયા8500 કરોડ એકત્ર કરવા ઈશ્યુ લોન્ચ કરી શકે છે. કદના સંદર્ભમાં તે દેશના ટોચના 15 IPOમાં સામેલ હશે. મુથુટ ફિનકોર્પ રૂ. 1,350 કરોડ એકત્ર કરવા માટે આ મહિને ઈશ્યુ બહાર પાડશે. આ સિવાય ક્રેડો, આરબીઝેડ જ્વેલર્સ, મુક્કા પ્રોટીન્સ, હેપ્પી ફોર્જિંગ પણ આ મહિને IPO લોન્ચ કરી શકે છે. આ તમામને સેબી તરફથી મંજૂરી મળી છે. આ નાણાકીય વર્ષમાં અત્યાર સુધીમાં 44 કંપનીઓએ બજારમાંથી 35,000 કરોડ રૂપિયા એકત્ર કર્યા છે. આજે 13 ડિસેમ્બરે 2 IPO ખુલી રહ્યા છે. આ IPO માં DOMS IPO અને India Shelter Finance IPO નો સમાવેશ થાય છે.બંને યોજનાઓ સારો પ્રતિસાદ મેળવે તેવા અનુમાન છે.DOMS એ ગુજરાતની કંપની છે કે સ્ટેશનરી સંબંધિત ઉત્પાદન બનાવે છે.