પાટણ જિલ્લાની તમામ તાલુકા પંચાયતો અને નગરપાલિકાઓના પ્રમુખ ઉપપ્રમુખનો અઢી વર્ષનો કાર્યકાળ પૂર્ણ થતાં આગામી અઢી વર્ષની ચૂંટણી માટે મુખ્ય ઉપપ્રમુખની પસંદગી અંગે જિલ્લા ભાજપ કાર્યાલયમાં નિરીક્ષકોએ બેઠક યોજી હતી. વર્ષ જેમાં ગુમાનસિંહ ચૌહાણ પૂર્વ પ્રમુખ બનાસકાંઠા જીલ્લા ભાજપ, અરવલ્લી જીલ્લાના પ્રભારી રાજુભાઈ શુકલ, પૂર્વ પ્રમુખ કડી નગરપાલિકા અને રમીલાબેન દેસાઈ, પૂર્વ ધારાસભ્ય ખેરાલુ સુપરવાઈઝર તરીકે હાજર રહી દાવેદારોની સ્થિતિ અંગે પૂછપરછ કરી હતી.
સમગ્ર પ્રક્રિયામાં તમામ તાલુકા ભાજપના હોદ્દેદારો, સંગઠન મોરચાના પ્રમુખ મહામંત્રી, તાલુકા પંચાયતના ચૂંટાયેલા સભ્યો અને વરિષ્ઠ આગેવાનોને સાંભળવામાં આવ્યા હતા. જિલ્લા ભાજપ કાર્યાલયમાં સવારથી જ જિલ્લા ભાજપ પ્રમુખ ડો.દશરથજી ઠાકોર, રમેશભાઈ સિંધવ, સંગઠનના વરિષ્ઠ આગેવાનો, હોદ્દેદારો અને કાર્યકરો મોટી સંખ્યામાં ઉપસ્થિત રહ્યા હતા.