હવે તોફાની અને અસામાજિક તત્વો નાનામાં નાની બાબતમાં મારપીટ અને હિંસા કરતા શરમાતા નથી જાણે કે તેમને કાયદાનો ડર ન હોય. ત્યારે મોડાસા ચાર રસ્તા પાસે પણ આવી જ એક ઘટના પ્રકાશમાં આવી છે. અરવલ્લીના મોડાસા નગરમાં દિવાળીના પર્વ નિમિત્તે ખરીદી માટે બજારમાં એક તરફ લોકોની ભીડ જોવા મળી હતી. આવા સમયે મોડાસાની મધ્યમાં ચાર રસ્તા અને પોલીસ ચોકી પાસે કેટલાક અસામાજિક તત્વોનો આતંક જોવા મળ્યો હતો. લાલ શર્ટ પહેરેલા નશામાં ધૂત યુવકે કોઈ અગમ્ય કારણોસર અસભ્ય વર્તન કર્યું હતું. જેથી તે યુવકને અન્ય ત્રણ યુવકોએ માર માર્યો હતો.
ચાર રસ્તા પાસે પોલીસ ચોકી આવેલી છે. જો કે અસામાજિક તત્વો કોઈ ડર બતાવી રહ્યા નથી. જોકે, પોલીસ પણ મૂક પ્રેક્ષક બનીને રહી હતી. કાયદો અને વ્યવસ્થાની સ્થિતિ જાળવવા લોકોને જાગૃત કરવા પોલીસ દ્વારા ફૂટ માર્ચ પણ કરવામાં આવે છે. શાંતિ જાળવવા માટે જિલ્લા મેજિસ્ટ્રેટ દ્વારા જાહેરનામું પણ બહાર પાડવામાં આવ્યું છે. પરંતુ, મોડાસાના મુખ્ય ચાર રસ્તા પર જીલ્લા મેજીસ્ટ્રેટની નોટીસનો સફાયો થઇ રહ્યો છે.