મેડિકલ કોલેજમાં અભ્યાસ કરતા MBBS વિદ્યાર્થીનું મોત, તેને હાર્ટ એટેક આવ્યો હોવાની આશંકા છે.
(GNS),તા.30
ભાવનગર
ભાવનગર મેડિકલ કોલેજમાં અભ્યાસ કરતી MBBSની વિદ્યાર્થીનીનું મોત થયું છે. જીગર ચૌધરી નામના એમબીબીએસના બીજા વર્ષના વિદ્યાર્થીના મોતથી કેમ્પસમાં તંગદિલીનો માહોલ સર્જાયો છે. બનાસકાંઠાનો વતની જીગર ચૌધરી ભાવનગર મેડિકલ કોલેજમાં એમબીબીએસનો અભ્યાસ કરતો હતો. મેડિકલ કોલેજની હોસ્ટેલના રૂમ નંબર 409માં રહેતી વિદ્યાર્થિની રાત્રે ઊંઘ્યા બાદ સવારે જાગી નહોતી. તેના સહાધ્યાયીઓ સવારે જીગર ચૌધરીને જગાડવા ગયા હતા પરંતુ તે જાગ્યો ન હતો. તેને તાત્કાલિક સિવિલ હોસ્પિટલમાં ખસેડાતા તબીબે તેને મૃત જાહેર કર્યો હતો. હાલ તો વિદ્યાર્થીને હાર્ટ એટેક આવ્યો હોવાનું પ્રાથમિક તારણ બહાર આવ્યું છે, પરંતુ સાચું કારણ પીએમ બાદ બહાર આવશે. હાલના સમયમાં હાર્ટ એટેકના બનાવોમાં ચિંતાજનક વધારો જોવા મળી રહ્યો છે. કોરોના પીરિયડ બાદ યુવાનોમાં હાર્ટ એટેકથી મોતના અનેક મામલા સામે આવી રહ્યા છે. ભાવનગર મેડિકલ કોલેજમાં વિદ્યાર્થીના મોત બાદ કેમ્પસમાં શોક અને ભયનો માહોલ છે.