હેમચંદ્રાચાર્ય ઉત્તર ગુજરાત યુનિવર્સિટી દ્વારા આયોજિત ઈન્ટર કોલેજ પાવરલિફ્ટિંગ અને બેસ્ટ ફિઝીક સ્પર્ધા સરકારી આર્ટસ કોલેજ બાયડ ખાતે યોજાઈ હતી. આ સ્પર્ધામાં વિસનગર એમ.એન.કોલેજમાં અભ્યાસ કરતા બે વિદ્યાર્થીઓ ચેમ્પિયન બની કોલેજનું ગૌરવ વધાર્યું છે. જેમની ઇન્ટર યુનિવર્સિટી નેશનલ કોમ્પિટિશન માટે પસંદગી કરવામાં આવી છે. આથી કોલેજના આચાર્ય અને સ્ટાફે બંને વિદ્યાર્થીઓને ચેમ્પિયન બનવા બદલ અભિનંદન પાઠવ્યા હતા.
વિસનગરની એમ.એન.કોલેજમાં અભ્યાસ કરતા બે વિદ્યાર્થીઓએ હેરીટેજ કોલેજનો દરજ્જો મેળવી કોલેજનું ગૌરવ વધાર્યું છે. જેમાં હેમચંદ્રાચાર્ય ઉત્તર ગુજરાત યુનિવર્સિટી દ્વારા બાયડની સરકારી આર્ટસ કોલેજ ખાતે ઇન્ટર કોલેજ પાવર લિફ્ટિંગ અને બેસ્ટ ફિઝિક સ્પર્ધાનું આયોજન કરવામાં આવ્યું હતું. જેમાં એમ.એન.કોલેજ. સેમ 4માં અભ્યાસ કરતી વિદ્યાર્થીની પ્રજાપતિ મિતાલી રમેશભાઈએ 63 કિલો વજનમાં ચેમ્પિયન બનીને કોલેજમાં ઈતિહાસ રચ્યો હતો. જ્યારે બેસ્ટ ફિઝીકમાં ઠાકોર કીર્તિજી કરશનજીએ 59 કિગ્રા વજનમાં ચેમ્પિયન બની કોલેજને ગૌરવ અપાવ્યું હતું. ઇન્ટર યુનિવર્સિટી નેશનલ કોમ્પિટિશન માટે તેની પસંદગી કરવામાં આવી છે. આ રીતે કોલેજનું ગૌરવ વધારતા કોલેજના ઈન્ચાર્જ પ્રિન્સીપાલ ડો. સંજય વ્યાસ, રમતગમત વિભાગના પ્રોફેસર રત્નેશ પ્રસાદ, જીમખાના સમિતિના અધ્યક્ષ મયુરસિંહ અડીયોલ અને તમામ સ્ટાફે શુભેચ્છાઓ પાઠવી હતી.