ડીસામાં લગ્નના બહાને સગીરનું અપહરણ કરવાનો વધુ એક કિસ્સો પ્રકાશમાં આવ્યો છે. જેમાં માતા શાકભાજી વેચવા ગઈ હતી અને યુવકે પુત્રીને ઉઠાવી લીધી હતી. આ મામલે ફરિયાદ નોંધાયા બાદ ડીસા દક્ષિણ પોલીસે તપાસ હાથ ધરી છે. ડીસામાં ફરિયાદ મળી છે કે એસ. સી. ડબલ્યુ હાઈસ્કૂલ પાસે રહેતો શ્રમજીવી પરિવાર શાકભાજી વેચીને ગુજરાન ચલાવે છે. સગીરાની માતા શાકભાજી વેચવા ગઈ હતી, જ્યારે તેની સગીર પુત્રી કંઈપણ કહ્યા વગર ઘરેથી નીકળી ગઈ હતી.સગીરાની માતા મોડી સાંજે ઘરે આવી ત્યારે સગીરાને ઘરે મળી ન હતી, જેથી તેણે આસપાસ શોધખોળ કરી હતી, પરંતુ સગીરા મળી આવી ન હતી. બાદમાં વાડી રોડ પર પલટન મંદિર પાસે રહેતો મુકેશ કિશોરભાઈ બાવા નામનો યુવક સગીરાને લગ્નના બહાને ભગાડી ગયો હોવાનું જાણવા મળ્યું હતું.આ અંગે ફરિયાદ નોંધાવી હતી. સગીરાના અપહરણ અંગે આઈપીસીની કલમ 366 મુજબ પોલીસ બંનેને શોધી રહી છે.