ગાંધીનગર: સાયક્લોન પ્રેશર સિસ્ટમની અસરને કારણે રાજ્યમાં વરસાદ પડી રહ્યો છે. કચ્છમાં સોમવારે સતત બીજા દિવસે ભારે વરસાદ પડ્યો હતો. જ્યારે અમરેલીમાં મીની વાવાઝોડું ત્રાટક્યું હતું. કચ્છમાં બપોર બાદ વાતાવરણમાં પલટો આવ્યો હતો. ખાસ કરીને ગાંધીધામ, કંડલા પોર્ટ અને અંજાર તાલુકામાં ભારે વરસાદ થયો હતો. કંડલા પોર્ટ પર કાર્ગો હેન્ડલિંગ કરતી એક વિશાળ ક્રેન બીજી ક્રેન સાથે અથડાઈ હતી. ગાંધીધામમાં પણ એક મોબાઈલ ટાવર ધરાશાયી થયો હતો. માટીના મકાનના પતરા પણ ઉડી ગયા હતા. કંડલામાં ભારે વરસાદને કારણે દરિયો ગાંડો થયો હતો.
આ સાથે જ રાજ્યના અમરેલીમાં પણ મીની વાવાઝોડું આવ્યું હતું. તેજ ઝડપે પવન ફૂંકાઈ રહ્યો હતો અને ધૂળના વાદળો પણ ઉડતા હતા. તેવી જ રીતે બાબરા સહિત અમરેલીમાં પણ વીજળીના કડાકા સાથે વરસાદ થયો છે. અમરેલી જિલ્લાના વડિયા શહેરમાં હવામાને પલટો લીધો છે. ભારે પવન અને વીજળીના ચમકારા સાથે વરસાદ શરૂ થયો છે. ભારે પવનના કારણે ધૂળના વાદળો ઉડી રહ્યા છે. જોરદાર પવનના કારણે વાવાઝોડા જેવું વાતાવરણ છે. વીજળીના ચમકારા અને ભારે પવન વચ્ચે વરસાદ શરૂ થયો હતો. અમરેલીના લીલીયાના શેડુભાર, વડીયા, લાઠી, નાના દાણકોટ સહિત અનેક વિસ્તારોમાં પવન સાથે વરસાદ પડ્યો છે.
રાજ્યના 91 તાલુકામાં વરસાદ
રાજ્યમાં છેલ્લા 24 કલાકમાં 91 તાલુકા પ્રભાવિત થયા છે. જેમાં મહેસાણા જિલ્લાના બેચરાજીમાં અઢી ઈંચથી વધુ વરસાદ નોંધાયો હતો. બનાસકાંઠાના દંતમા, અમદાવાદ શહેરમાં 2.5 ઇંચ વરસાદ, એકંદરે 14 તાલુકામાં 1 ઇંચથી વધુ વરસાદ નોંધાયો છે. બનાસકાંઠાના વડગામ અને પાટણના ચાણસ્મામાં બે ઈંચ વરસાદ નોંધાયો છે. મહેસાણા, બનાસકાંઠા, પાટણ, ગાંધીનગર, સાબરકાંઠા, ભાવનગર, ખેડા, આણંદ સિહતના વિવિધ જિલ્લાઓમાં વરસાદ પડ્યો છે.