અરવલ્લી જિલ્લામાં આજે ચોથા દિવસે પણ અવિરત વરસાદ પડી રહ્યો છે. શામળાજી-ઉદેપુર હાઈવે પર બપોરના સમયે જોરદાર વરસાદ પડ્યો હતો. આ સાથે જ મોડાસા શહેર અને માલપુરમાં પણ વરસાદ પડ્યો હતો. ધનસુરાના આંબાસર ગામમાં ભારે વરસાદ પડ્યો હતો. અરવલ્લી જિલ્લામાં પણ વિવિધ વિસ્તારોમાં વરસાદના કારણે વાતાવરણમાં ઠંડક પ્રસરી છે. લાંબા ગાળે આજે ભિલોડા તાલુકામાં વરસાદ પડ્યો હતો. ભિલોડા નગર સહિત નવા ભવનાથ, લીલછા, ઢાલવાડ, ધોલવાણી, ખુમાપુર અને માંકરોડામાં ધોધમાર વરસાદ વરસ્યો છે. શરૂઆતના વરસાદ બાદ ખેડૂતોએ વાવેતર કર્યું હતું. ત્યારે ભિલોડા તાલુકામાં એક સપ્તાહથી વરસાદે હાહાકાર મચાવ્યો હતો. આજે બપોરે વરસાદ બાદ ખુશીનો માહોલ જોવા મળી રહ્યો છે. આ વરસાદથી ખેડૂતોમાં એવી ખુશી જોવા મળી કે જાણે આકાશમાંથી કાચું સોનું વરસ્યું હોય. આ રીતે આજે ચોથા દિવસે પણ અરવલ્લી જિલ્લામાં વરસાદ યથાવત છે.