પાલનપુર શહેરના બેચરપુરા વિસ્તારમાં રોડ પર ખાડા પડી ગયા હોવા છતાં સ્થાનિક લોકોએ ખાડા ન પૂર્યા પરંતુ ખાડામાં કોર્પોરેટરના નામનું બોર્ડ લગાવી દીધું હતું. જેમાં આ ખાડો સ્થાનિક કાઉન્સિલરનો છે તેવું લખીને આ બોર્ડ સોશિયલ મીડિયા પર વાયરલ થયું હતું.
પાલનપુરમાં વરસાદ બાદ શહેરમાં તેમજ હાઇવે વિસ્તારમાં મોટા ખાડાઓ પડી ગયા છે. જેના કારણે વાહનચાલકો અને મુસાફરો પરેશાન થઇ ગયા છે. જો કે, આબુ હાઇવે પર વરસાદ દરમિયાન આ ખાડાઓમાં ડ્રાઇવરો ફસાઇ જવાના અને ટ્રકો પડી જવાના બનાવો પણ બન્યા છે. તેમ છતાં આજદિન સુધી આ વિસ્તારના ખાડાઓ પૂરવામાં આવ્યા નથી.
જો કે શહેરમાં આજ સ્થિતિ જોવા મળી રહી છે. પાલનપુર શહેરના બેચરપુરા વિસ્તારમાં પડેલા ખાડા પર રહીશોએ સ્થાનિક કોર્પોરેટરોના નામ લખી આ ખાડા માટે કોર્પોરેટરોને જવાબદાર ઠેરવ્યા હોવાનું લખાવ્યું હતું. આ બોર્ડ સોશિયલ મીડિયા પર વાયરલ થયું હતું. જેના કારણે તંત્ર દોડતું થયું હતું. અને હવે ખાડો ભરાઈ ગયો હતો. જો કે શહેરની હદમાં પણ રસ્તાઓ પર ખાડા પડી ગયા છે. જેમાં લોકો ઇચ્છે છે કે કોઇપણ અકસ્માત થાય તે પહેલા કાર્યવાહી કરવામાં આવે.
જો કે શહેરમાં આજ સ્થિતિ જોવા મળી રહી છે. પાલનપુર શહેરના બેચરપુરા વિસ્તારમાં પડેલા ખાડા પર રહીશોએ સ્થાનિક કોર્પોરેટરોના નામ લખી આ ખાડા માટે કોર્પોરેટરોને જવાબદાર ઠેરવ્યા હોવાનું લખાવ્યું હતું. આ બોર્ડ સોશિયલ મીડિયા પર વાયરલ થયું હતું. જેના કારણે તંત્ર દોડતું થયું હતું. અને હવે ખાડો ભરાઈ ગયો હતો. જો કે શહેરની હદમાં પણ રસ્તાઓ પર ખાડા પડી ગયા છે. જેમાં લોકો ઇચ્છે છે કે કોઇપણ અકસ્માત થાય તે પહેલા કાર્યવાહી કરવામાં આવે.