રવિવારે સવારે 10.30 કલાકે લેવાનું હતું પરંતુ વરસાદના કારણે રદ કરવામાં આવ્યું હતું
અમદાવાદ મ્યુનિસિપલ કોર્પોરેશનની લેખિત પરીક્ષા ભારે વરસાદને કારણે રદ્દ કરવામાં આવી છે. આસિસ્ટન્ટ સબ ઈન્સ્પેક્ટર એસ્ટેટ TDO માટે લેખિત પરીક્ષા થવાની હતી. અમદાવાદ મ્યુનિસિપલ કોર્પોરેશનના આસિસ્ટન્ટ સબ ઈન્સ્પેક્ટર એસ્ટેટ ટીડીઓની લેખિત પરીક્ષા રવિવારે સવારે 10.30 કલાકે યોજાવાની હતી.
પુનઃ પરીક્ષાનો સમય અને તારીખ પછીથી નક્કી કરવામાં આવશે. 15-3-2023 (આસિસ્ટન્ટ સબ ઇન્સ્પેક્ટર એસ્ટેટ-ટીડીઓ) ની પોસ્ટ માટેની લેખિત પરીક્ષા (એમસીક્યુ-ટેસ્ટ) રવિવાર, 23મી જુલાઈ 2023 ના રોજ સવારે 10.30 વાગ્યે લેવાનારી છે તે ભારે વરસાદને કારણે મોકૂફ રાખવામાં આવી છે.
રાજ્યમાં હજુ પણ ભારે વરસાદની આગાહી છે અને આગામી 48 કલાકમાં ભારેથી અતિભારે વરસાદની શક્યતા છે. આ સાથે રાજ્યના ત્રણ જિલ્લાઓમાં રેડ એલર્ટ આપવામાં આવ્યું છે જેમાં ભાવનગર, વલસાડ અને દમણનો સમાવેશ થાય છે.
આ સાથે બનાસકાંઠા, સાબરકાંઠા અને અમદાવાદમાં ઓરેન્જ એલર્ટ અને રાજકોટ, બોટાદ, સુરેન્દ્રનગરમાં યલો એલર્ટ જાહેર કરવામાં આવ્યું છે. હવામાન વિભાગે દ્વારકા જિલ્લામાં પણ ભારે વરસાદની સંભાવના વ્યક્ત કરી છે.