ઓટાવા. કેનેડાના વડાપ્રધાન જસ્ટિન ટ્રુડો અને તેમની પત્ની સોફી ટ્રુડોના છૂટાછેડા થઈ રહ્યા છે. લગ્નના 18 વર્ષ બાદ બંનેએ અલગ થવાનો નિર્ણય લીધો છે. બુધવારે બંનેએ સોશિયલ મીડિયા પર આની જાહેરાત કરી હતી. આ પછી, પીએમ ઓફિસે પણ કહ્યું કે બંનેએ કાનૂની અલગતા કરાર પર હસ્તાક્ષર કર્યા છે. જસ્ટિન અને તેની પત્ની સોફીને 15, 14 અને 9 વર્ષના ત્રણ બાળકો છે. ટ્રુડો કેનેડામાં બીજા વડાપ્રધાન છે જેઓ પીએમ પદ સંભાળીને પોતાની પત્નીથી અલગ થયા છે. તેમના પહેલા તેમના પિતા અને ભૂતપૂર્વ PM પિયર ટ્રુડો 1979માં તેમની પત્ની માર્ગારેટથી અલગ થઈ ગયા હતા અને 1984માં બંનેના છૂટાછેડા થઈ ગયા હતા. જસ્ટિન અને સોફીના લગ્ન મે 2005માં થયા હતા. જસ્ટિન ટ્રુડોએ ઘણી વખત જાહેરમાં પરિવારના મહત્વ વિશે વાત કરી છે.