ઈરાનમાં હિજાબ ન પહેરતી મહિલાઓ પર અત્યાચાર, સજા તરીકે શબઘરની સફાઈ
ડિજિટલ ડેસ્કહિજાબ કાયદાનું કડક પાલન ન કરતી મહિલાઓ સામે ઈરાનની સરકાર અલગ રણનીતિ અપનાવી રહી છે. અને નિયમોનો ભંગ કરનાર મહિલાઓને આકરી અને વિચિત્ર સજા કરવામાં આવી રહી છે.
કાયદો તોડનારી મહિલાઓને શબઘરમાં મૃતદેહો સાફ કરવાની સજા આપવામાં આવી રહી છે. વિદેશી મીડિયાના અહેવાલ મુજબ, સરકાર હિજાબ ન પહેરતી મહિલાઓ પર વધુ કડકાઈથી કામ કરી રહી છે. જેથી કોઈ કાયદાનું ઉલ્લંઘન ન કરી શકે.
તાજેતરમાં, ઈરાની અભિનેત્રી અફસાને બેગેયાનને હિજાબ ન પહેરવા બદલ બે વર્ષની જેલની સજા ફટકારવામાં આવી હતી.
આલમ એવી પણ બની છે કે નિયમોનો ભંગ કરનાર મહિલાઓને માનસિક સારવાર માટે મોકલવામાં આવે છે.
રિપોર્ટ અનુસાર, તાજેતરમાં જ તેહરાનની કોર્ટ દ્વારા એક મહિલાને સજા કરવામાં આવી હતી. અને સજા એ હતી કે મહિલાએ શબઘરમાં મૃતદેહોને સાફ કરવાની હતી. રિપોર્ટમાં દાવો કરવામાં આવ્યો છે કે મહિલાએ કડક હિજાબ કાયદાનું ઉલ્લંઘન કર્યું છે. તે હિજાબ વગર ડ્રાઇવિંગ કરતી પકડાઈ હતી.