આમ આદમી પાર્ટી અને કોંગ્રેસે શનિવારે દિલ્હીમાં સીટ વહેંચણીની ઔપચારિક જાહેરાત કરી હતી. આમ આદમી પાર્ટી દિલ્હીમાં લોકસભાની સાતમાંથી ચાર બેઠકો પર ચૂંટણી લડશે, જ્યારે કોંગ્રેસ પાર્ટી બાકીની ત્રણ બેઠકો પર ચૂંટણી લડશે.
કોંગ્રેસ ઉત્તર પૂર્વ, ચાંદની ચોક, ઉત્તર પશ્ચિમ અને આમ આદમી પાર્ટી નવી દિલ્હી, પૂર્વ દિલ્હી, પશ્ચિમ દિલ્હી અને દક્ષિણ દિલ્હી બેઠકો પર તેના ઉમેદવારો ઉભા કરશે.
તેમજ ગુજરાતની ભરૂચ અને ભાવનગર બેઠક પરથી AAP ચૂંટણી લડશે. સમજૂતી મુજબ AAPએ ચંદીગઢ અને દક્ષિણ ગોવાની સીટો કોંગ્રેસ માટે છોડી દીધી છે.
2014 અને 2019ની સામાન્ય ચૂંટણીમાં ભાજપે દિલ્હીની તમામ સાત લોકસભા બેઠકો જીતી હતી. 2019 માં, કોંગ્રેસ પાંચ બેઠકો પર બીજા ક્રમે રહી હતી – પૂર્વ દિલ્હી, પશ્ચિમ દિલ્હી, નવી દિલ્હી, ઉત્તર પૂર્વ દિલ્હી અને ચાંદની ચોક – અને AAP ઉત્તર પશ્ચિમ દિલ્હી અને દક્ષિણ દિલ્હી – બે બેઠકો પર બીજા ક્રમે છે.