ગાંધીનગર, ગાંધીનગરમાં બેફામ બનેલા ખનીજ માફીયાઓએ વધુ એક વખત હત્યાનાં ઈરાદે સરકારી ફરજ પરના અધિકારીઓ પર ડમ્પર ચઢાવી દેવાનો પ્રયાસ કરાયો હોવની ચોકાવનારી ઘટના પ્રકાશમાં આવી છે.
પીપળજ ચેકપોસ્ટ પર સાદી રેતી ભરેલા ડમ્પરને રોકવા ગયેલા ખાણ ખનીજ વિભાગના મહીલાઅધિકારી અને સ્ટાફ પર ડમ્પર ચઢાવી જીવલેણ હુમલાનો પ્રયાસ કરાયો છતાં નાટયાત્મક રીતે નિર્ભય બની ગેગનો મુખ્ય સુત્રધાર પેથાપુર પોલીસ મથકે વાહનો સાથે હાજર થયો હોવાની ફરીયાદ નોધાઈ છે. ઘટનાની વિગતો મુજબ ગાંધીનગર મદદનીશ ભુસ્તર શાસ્ત્રીની કચેરીમાં માઈનસ સુપરવાઈઝર તરીકે ફરજ બજાવતા નવ્યા સુધીશ અને તેમનો સ્ટાફ પીપળજ ચેકપોસ્ટ પર ફરજ પર હતા.
તે દરમ્યાન નંબર પ્લેટ વગરનું એક શંકાસ્પદ ડમ્પર ત્યાંથી પસાર થતા તેનો ટીમ દ્વારા રોકવાનો પ્રયાસ કરાયો હતો. પરંતુ ડમ્પર ચાલકે વાહન ઉભું રાખવાના બદલે પુરઝડપે હંકારી દીધું હતું. જેના પગલે મહીલા અધિકારી સહીતની ટીમે સરકારી ગાડીમાં ડમ્પરનો પીછો શરૂ કર્યો હતો. જેની જાણ થતા કચેરીઓની મહીલા રોયલ્ટી ઈન્સ્પેકટર મહેલા પણ ટીમ સાથે રવાના થયા હતા. તે દરમ્યાન ક-૭ નજીક ડમ્પર ચાલકે ડમ્પરમાંથી આશરે ૬૦ મેટ્રીક ટીન રેતી રસ્તા પર હાઈડ્રોલીક ઉચું કરી ખાલી કરી ડમ્પરને રાંધેજા તરફ હંકારી મુકયું હતું.
જેના પગલે બીજી એક ટીમ સરકારી ગાડીમાં ડમ્પરને રોકવાના પ્રયાસમાં રાંધેજા ખાતે પહોચ્યું હતું. તે વખતે ડમ્પર ચાલક દ્વારા હત્યાના ઈરાદે સરકારી ગાડીને ટકકર મારવાનો પ્રયાસ કરી કોલવડા રોડ તરફ ભાગ્યો હતો. આ દરમ્યાન નંબર પ્લેટ વિનાની કાળા કલરના કાચ વાળી અલ્ટો ગાડીમાં પ્રકાશ વણઝારા ઉફે પી.કે. સરકારે ગાડીને ડમ્પરનો પીછોક રતા રોકવા ધીરે ધીરે ગાડી ચલાવી અવરોધ ઉભા કરી સાઈડ પણ આપતો નહોતો.
બાદમાં ડમ્પર ભાગી જતા પ્રકાશ પણ પોતાની ગાડી સાથે ફરાર થઈ ગયો હતો. જેના પગલે મહીલા અધિકારી કાનુની કાર્યવાહી કરાવવામાં પેથાપુર પોલીસના શરણે પહોચ્યા હતા.
તે દરમ્યાન કાયદાનો ડર રાખ્યા વિના નાટયાત્મક રીતે કાળા કલરની થાર ગાડીમાં ગેગનો મુખ્ય સુત્રોધાર નાગજી વણઝારા પોલીસ મથકે પહોચ્યો હતચો. આ ડમ્પરને માલીકે હું છું. મારા કહેવાથી જ ચાલક ડમ્પર લઈને ભાગી ગયો હતો. અને હું જ ગેરકાયદેસર રેતીની ચોરી કરી તેનું વહન કરૂ છું. કહી સમાધાન માટે દબાણ કરવા લાગ્યો હતો.
જેના પગલે ખાણ ખનીજ વિભાગે આ મામલે ખનીજ ચોરી અને નિયમોના ઉલ્લંઘન બદલ કુલ રૂ.૪.૩૩ લાખનો દંડ ફટકારી સરકારી ફરજમાં રૂકાવટ કરવા કર્મચારીઓ પર ડમ્પર ચઢાવવાનો પ્રયાસ કરવા અને ગેરકાયદેસર ખનીજ હેરફેર બદલ પ્રકાશ વણઝારા અને ડમ્પર ચાલક વિરૂધ્ધ પેથાપુર પોલીસ મથકમાં ગુનો દાખલ કરાવી હાશકારો અનુભવ્યો છે.
