ખેતી અને પશુપાલન સાથે હવે ડ્રોન દ્વારા કરી રહી છે લાખોની કમાણી
ડીસા, બનાસકાંઠા: ભારત સરકાર અને રાજ્ય સરકારના ‘સુશાસન’ અને ‘લખપતિ દીદી’ અભિયાન હેઠળ ગ્રામીણ ભારતની મહિલાઓ હવે આત્મનિર્ભરતાની નવી ઊંચાઈઓ સર કરી રહી છે. બનાસકાંઠા જિલ્લાના ડીસા તાલુકાના તાલેપુરા ગામના રહેવાસી આશાબેન ચૌધરી આજે આધુનિક ખેતી અને મહિલા સશક્તિકરણનું ઉત્કૃષ્ટ ઉદાહરણ બન્યા છે.
આશાબેન અગાઉ માત્ર પશુપાલન અને પરંપરાગત ખેતીવાડી સાથે જોડાયેલા હતા. પરંતુ, રાજ્ય સરકારના સ્વસહાય જૂથો (SHGs) અને મહિલા ઉત્કર્ષ યોજનાઓના માધ્યમથી તેમને આધુનિક ખેતી તરફ વળવા માટે પ્રોત્સાહન મળ્યું. આજે તેઓ ખેતરોમાં ખાતર અને જંતુનાશક દવાઓના છંટકાવ માટે ડ્રોન ટેકનોલોજીનો ઉપયોગ કરી રહ્યા છે.
આશાબેને પોતાની સફળતા વિશે માહિતી આપતા જણાવ્યું કે, સરકાર તરફથી તેમને અને તેમના જૂથને આર્થિક રીતે સધ્ધર બનાવવા માટે મોટી સહાય પૂરી પાડવામાં આવી છે. તેમને નીચે મુજબના સાધનોની કીટ મળી હતી:
આ સમગ્ર કીટની અંદાજિત કિંમત રૂપિયા ૧૭ લાખ જેટલી છે, જે તેમને સરકાર તરફથી સહાય પેટે પ્રાપ્ત થઈ છે.
આ સાધનોની મદદથી આશાબેને માત્ર પોતાના ખેતરમાં જ નહીં, પરંતુ અન્ય ખેડૂતોના ખેતરમાં પણ ડ્રોન દ્વારા સેવાનું કામ શરૂ કર્યું છે. આ આધુનિક કામગીરીથી તેમની આવકમાં મોટો ઉછાળો આવ્યો છે. આજે તેઓ ગર્વ સાથે કહે છે કે, “હું આજે લખપતિ દીદી છું.” તેમની આ સફળતા જોઈને ગામની અને આસપાસના વિસ્તારની અન્ય મહિલાઓ પણ પ્રેરણા મેળવી રહી છે.
