એન્જિનિયરિંગ-પાવર-ઓટો-ઓઈલ-ગેસ સેક્ટરના પવનચક્કી -બ્રાસ પાર્ટસ-ઈ વેસ્ટ રીસાયકલીંગ ક્ષેત્રોમાં થનારી નક્કર કામગીરી
જામનગર, [13-12-2025]: વાયબ્રન્ટ ગુજરાત રિજનલ કનેક્ટ (VGRC) શૃંખલા અંતર્ગત જામનગર ખાતે યોજાયેલા મહત્વપૂર્ણ કાર્યક્રમમાં રાજ્યના ઔદ્યોગિક વિકાસને નવો વેગ આપતા કુલ ૯ કંપનીઓ દ્વારા રાજ્ય સરકાર સાથે રૂ. ૫,૭૧૬ કરોડની રકમના સમજૂતી કરારો (MoUs) કરવામાં આવ્યા છે. આ રોકાણ થકી અંદાજિત ૨,૦૦૦થી વધુ લોકોને પ્રત્યક્ષ અને પરોક્ષ રોજગારીની તકો મળી શકશે.
જામનગરમાં થયેલા કુલ રોકાણમાં મોટા ભાગનું યોગદાન પાવર, ઓઇલ અને ગેસ (પુનઃ પ્રાપ્ય ઉર્જા) સેક્ટરનું રહ્યું છે. મુખ્ય ત્રણ કંપનીઓ દ્વારા વીન્ડ સોલાર હાઇબ્રીડ પાવર પ્રોજેક્ટ્સ સ્થાપિત કરવામાં આવશે, જે આવનારા ત્રણ વર્ષોમાં કાર્યાન્વિત થશે અને અંદાજે ૧,૭૨૫થી વધુ લોકોને રોજગારી આપશે:
આ રોકાણ ગુજરાતને પુનઃપ્રાપ્ય ઉર્જા ક્ષેત્રે અગ્રેસર રાખવામાં મદદરૂપ થશે.
એન્જિનિયરિંગ, ઓટો અને અન્ય આનુષંગિક ઉદ્યોગોના સેક્ટરમાં પણ ૬ કંપનીઓ દ્વારા રોકાણ કરવામાં આવ્યું છે. આ પ્રોજેક્ટ્સ દ્વારા અંદાજિત ૪૦૦થી વધારે લોકોને રોજગારી મળી શકશે. આ તમામ પ્રોજેક્ટ્સ વર્ષ ૨૦૨૬ માં શરૂ થવાની ધારણા છે.
મુખ્ય રોકાણકર્તાઓ અને તેમના પ્રોજેક્ટ્સ:
આ એમઓયુ જામનગરને માત્ર ઉર્જા ક્ષેત્રે જ નહીં, પણ વિવિધ એન્જિનિયરિંગ અને મેટલ ઉદ્યોગોના હબ તરીકે સ્થાપિત કરવામાં મહત્વની ભૂમિકા ભજવશે.
