સાયબર ઠગાઈની તમામ મોડસ ઓપરેન્ડી શીખવાડવામાં આવી છે
(એજન્સી)અમદાવાદ, દસેક વર્ષ અગાઉ વિદેશી નાગરીકોને ઠગવાના કોલ સેન્ટરનો રાફડો શહેરમાં વિપુલ પ્રમાણમાં ફાટી નીકળ્યો હતો. અંગ્રેજી ભાષા કડકડાટ બોલતા યુવાનોની આવા ગેરકાયદેસર કોલ સેન્ટરમાં બોલબાલા હોવાના લીધે મોટા પગાર આપીને નોકરીએ રાખવાથી આવતા હતા. ત્યારે હવે જમાનો બદલાયો છે.
ત્યારે વિદેશી નાગરીકોને ઠગતા કોલ સેન્ટરની જેમ સાયબર ઠગાઈના કોલ સેન્ટરોને રાફડો ગુજરશાત બહાર ફાટી નીકળ્યો છે. અને સાયબર ઠગાઈના ચાલતા કોલ સેન્ટરમાં પર ફાંફડું અંગ્રેજી બોલતા યુવાનોની પ્રથમ પસંદગી કરવામાં આવે છે.
મ્યાનમાર અને કંબોડીયા જેવા દેશોમાં સાયબર ઠગાઈના કોલ સેન્ટરો મોટા પ્રમાણમાં ચાલી રહયા છે. ત્યારે આવા સેન્ટરમાં દેશભરના યુવાનો જેઓ અંગ્રેજી કડકડાટ બોલી શકતા હોય અને વિદેશમાં નોકરી મેળવવાની ઘેલછા ધરાવતા હોય તેવા યુવાનોને ટાર્ગેટ કરીને વિદેશ લઈ જવાના બહાને સાયબર ઠગાઈના દલાલ ભર્યા કોલ સેન્ટરમાં ધકેલી દેવામાં આવતા હોય છે. ત્યાં આવેલા કોલ સેન્ટરોમાં સાયબર ઠગાઈ કેવી રીતે આચરવામાં આવે છે. તેની ટ્રેનીગ પણ આપવામાં આવે છે.
તાજેતરમા જ સાયબર સેન્ટર ઓફ એકસેલન્સની ટીમને મળેલી માહિતીના આધારે બેગકોક ચાલતા સાયબર ગુલાબીના રેકેટમાં યુવાનોને ધકેલનારા સુરતના બે યુવકોની ધરપકડ કરી હતી.
ઝડપાયેલા બંને આરોપીઓ ખુબ જ સિફત પુર્વક વિદેશમાં જઈને નોકરી કરવાની સપના સેવતા હોય તેવા યુવાનોને ટાર્ગેટ કરતા હતા અને બાદમાં વિદેશમાં ડેટા એન્ટ્રીની નોકરી માટે જગ્યાઓ છે તેમ કહીને યુવાનોને જાળમાં ફસાવતા અને બાદમાં દુબઈ અથવા તો બેગકોક મોકલતા ત્યારબાદ સાયબર માફીયાઓ દ્વારા આવા યુવકોને ઈન્ટરવ્યુ લેવામાં આવે છે.
અને જે લોકોને ફાંફડું અંગ્રેજી બોલતા આવડતું હોય અને તેમાંય અમેરીકન અંગ્રેજી પર સારી એવી પકકડ હોય તેવા યુવાનોને પહેલો ચાનસ આપવામાં આવે છે. સાયબર માફીયાઓ આવા કડકડાટ અંગ્રેજી બોલતા યુવકોને દુબઈ અથવા ની બેગકોક લઈ જતા હોય છે. અને ત્યાંથી મ્યાનમાર અથવા તો કબોડીયન ચાઈનીઝ સાયબર માફીયા ગેગને સોપી દેવામાં આવે છે.
