સંસ્કાર ધામ ખાતે નમોત્સવ દ્વારા વડાપ્રધાન મોદીના જીવન અને સેવાઓની ઉજવણી…

અમદાવાદ, ભારત સરકારના ગૃહ અને સહકાર મંત્રીશ્રી અમિતભાઈ શાહે સંસ્કાર ધામ ખાતે આયોજિત નામોત્સવ 2025 દરમિયાન ઉપસ્થિત જનસમૂહને સંબોધન કર્યું. આ પ્રસંગે ગુજરાતના માનનીય મુખ્યમંત્રી શ્રી ભુપેન્દ્રભાઈ પટેલ, ગુજરાત રાજ્યના ઉપમુખ્યમંત્રી શ્રી હર્ષભાઈ સંઘવી તથા અનેક પ્રતિષ્ઠિત મહાનુભાવોની ઉપસ્થિતિ રહી. “નમોત્સવ” એ ભારતના વડાપ્રધાન શ્રી નરેન્દ્રભાઇ મોદી સાહેબના જીવન પર આધારિત ભારતનો પ્રથમ સંગીતમય મલ્ટીમિડિયા કાર્યક્રમ છે.

માનનીય શ્રી અમિતભાઈ શાહે સંબોધતા જણાવ્યું હતું કે “નમોત્સવ વડાપ્રધાન શ્રી નરેન્દ્રભાઇ મોદીના સંઘર્ષ અને નેતૃત્વની યાત્રાને પ્રદર્શિત કરે છે. માત્ર 11 વર્ષમાં ‘વિકસિત ભારત 2047’ના તેમના વિશ્વાસને 140 કરોડ ભારતીયોને દરેક ક્ષેત્રમાં વૈશ્વિક નેતૃત્વ તરફ આગળ વધવાની પ્રેરણા આપી છે. બાળકો અને યુવાનોથી લઈને ખેડૂતો અને ઉદ્યોગપતિઓ સુધી, વડાપ્રધાનએ પરિવર્તનકારી યોજનાઓ દ્વારા સમાજના દરેક વર્ગને સશક્ત બનાવ્યા છે, જેનાથી સમગ્ર દેશમાં લોકોના જીવનમાં સકારાત્મક પરિવર્તન આવી રહ્યો છે.

નામોત્સવ એ ભારતના માનનીય વડાપ્રધાન શ્રી નરેન્દ્રભાઇ મોદી સાહેબની અસાધારણ યાત્રાનો ઉત્સવ છે , જેઓ આજે પણ પોતાને ‘વકીલ સાહેબના કાર્યકર્તા’ તરીકે ઓળખાવે છે. માત્ર સ્મરણોત્સવથી આગળ વધી, નમોત્સવ એક જીવંત પરંપરા બની, જે દર્શાવે છે કે કેવી રીતે સેવા, સંકલ્પ અને રાષ્ટ્રપ્રતિ પ્રતિબદ્ધતાને મજબૂત બનાવે છે.”

સંસ્કૃતિક મહોત્સવ તરીકે કલ્પાયેલો આ ત્રણ દિવસીય કાર્યક્રમ 28 થી 30 ડિસેમ્બર 2025 દરમિયાન યોજાશે, જેમાં કલાત્મક અભિવ્યક્તિ, જીવંત પ્રદર્શન, મલ્ટીમિડિયા રજૂઆતો અને રાષ્ટ્રીય સ્તરના અગ્રણીઓની ઉપસ્થિતિ દ્વારા વડાપ્રધાનના નેતૃત્વને રજૂ કરવામાં આવશે. લોકપ્રિય ગુજરાતી કલાકાર સાઈરામ દવેના નેતૃત્વમાં 150થી વધુ કલાકારો દ્વારા અભિવ્યક્તિ કરવામાં આવશે.

સંસ્કાર ધામ સંસ્કાર, સેવા, મૂલ્યો અને રાષ્ટ્રપ્રેમના વૈચારિક આધાર પર સ્થપાયેલું છે. આ સંસ્થા ગુજરાતમાં ‘વકીલ સાહેબ’ તરીકે સ્નેહપૂર્વક ઓળખાતા શ્રી લક્ષ્મણરાવ ઇનામદારજીના વિચારોથી પ્રેરિત છે, જેમણે માન્યું હતું કે દૈવી તત્વ માનવ અંતરાત્મામાં નિવાસ કરે છે અને દરેક વ્યક્તિ મૂલ્યો ગ્રહણ કરવાની ક્ષમતા ધરાવે છે. જ્યારે શિક્ષણ નૈતિકતા અને જવાબદારી સાથે જોડાય છે ત્યારે તે રાષ્ટ્રના ભવિષ્ય ઘડવામાં શક્તિશાળી સાધન બને છે.