Cobra Venom Smuggling Surat: ગુજરાતના સુરતમાં ચોંકાવી દેનારો કિસ્સો સામે આવ્યો છે. સુરત પોલીસની સ્પેશિયલ ઓપરેશન ગ્રુપ (SOG) એ ગેરકાયદેસર રીતે કોબ્રાનું ઝેર વેચતી ગેંગને પકડી છે. પોલીસે મેરેજ બ્યુરોની આડમાં ચાલી રહેલા આ ખતરનાક ગોરખધંધાનો ભાંડો ફોડ્યો છે. પોલીસે સાત આરોપીઓની ધરપકડ કરવાની સાથે તેમની પાસેથી ૫.૮૫ કરોડ રૂપિયાનું ઝેર જપ્ત કર્યું છે. સુરતમાં કોબ્રાના ઝેરના વેચાણના ખુલાસાથી હડકંપ મચી ગયો છે. સંભાવના વ્યક્ત કરવામાં આવી રહી છે કે શું સુરતમાં યોજાતી રેવ પાર્ટીઓમાં કોબ્રાના ઝેરનો ઉપયોગ થઈ રહ્યો હતો? પોલીસ આરોપીઓની પૂછપરછમાં લાગેલી છે.
૫.૮૫ કરોડ રૂપિયાનું ઝેર
સ્પેશિયલ ઓપરેશન ગ્રુપના જણાવ્યા અનુસાર સુરતમાં એક બાતમી મળવા પર પોલીસ ટીમે સરથાણામાં ‘પટેલ લાઈફ પાર્ટનર’ મેરેજ બ્યુરોની ઓફિસ પર દરોડા પાડ્યા હતા. ત્યાં કોબ્રાનું ઝેર મળ્યું અને ફોરેન્સિક અધિકારીઓએ સ્થળ પર જ તેની તપાસ કરી. જેમાં તે પોઝિટિવ જોવા મળ્યું. એસઓજીના એક અધિકારીએ જણાવ્યું કે તપાસમાં સામે આવ્યું છે કે આ ઝેર અમદાવાદના એક વ્યક્તિ પાસેથી ખરીદવામાં આવ્યું હતું, જેની પોલીસ શોધ કરી રહી છે. પોલીસના જણાવ્યા અનુસાર આરોપીઓ પાસેથી લગભગ ૬.૫ મિલીલીટર કોબ્રાનું ઝેર જપ્ત કરવામાં આવ્યું. જેની કિંમત પોલીસના જણાવ્યા અનુસાર ૫.૮૫ કરોડ રૂપિયા છે.
રેવ પાર્ટીઓમાં પણ ઉપયોગની શંકા
પકડાયેલા આ ઝેરી પદાર્થનો ઉપયોગ મુખ્યત્વે તબીબી અને નશીલા પદાર્થોના રૂપમાં કરવામાં આવે છે:
-
બ્લડ પ્રેશર અને લોહીને જામતું અટકાવતી દવાઓમાં.
-
હાર્ટ એટેકથી બચાવતી જીવનરક્ષક દવાઓના નિર્માણમાં.
-
સાપ કરડવાની સારવાર માટે બનાવવામાં આવતી ‘એન્ટી-વેનમ’ દવામાં.
-
કેન્સરની સારવારની દવાઓમાં પણ તેનો ઉપયોગ સંશોધન મુજબ કરવામાં આવે છે. ડીસીપી એસઓજી સુરત રાજદીપ સિંહ નકુમે કહ્યું કે ઘણી હાઈ-પ્રોફાઈલ ‘રેવ પાર્ટીઓમાં’ નશા તરીકે પણ આ પ્રતિબંધિત ઝેરનો ઉપયોગ કરવામાં આવે છે. સુરત પોલીસે હાલ સાતેય આરોપીઓની ધરપકડ કરી ઝેર કબજે કરી લીધું છે. આગળની કાયદેસરની કાર્યવાહી શરૂ કરી દીધી છે.
પોલીસે કેવી રીતે કર્યો ટ્રેપ?
સુરત SOG ના જણાવ્યા મુજબ પીઆઈ એ. પી. ચૌધરીને બાતમી મળી હતી કે એક ટોળકી વડોદરાથી કોબ્રાના ઝેરની તસ્કરી કરી સુરતમાં વેચવા માટે લાવી રહી છે. આરોપીઓને રંગેહાથ પકડવા માટે પીઆઈ પોતે એક ‘ડમી’ ગ્રાહક બનીને તેમનો સંપર્ક કર્યો. પોલીસે ઝેરના બદલામાં કરોડો રૂપિયા આપવાની લાલચ આપી, જેના લોભમાં આવીને તસ્કરો સરથાણા વિસ્તારમાં મીટિંગ માટે તૈયાર થઈ ગયા. જેવી ટોળકી મીટિંગ માટે પહોંચી, પોલીસે ઘેરાબંધી કરીને તેમને દબોચી લીધા.
