સંરક્ષણ સંશોધન અને વિકાસ સંગઠન (DRDO)ના વૈજ્ઞાનિકની પુણેમાં ધરપકડ કરવામાં આવી છે. તેના પર પાકિસ્તાની એજન્ટ સાથે માહિતી આપવાનો આરોપ છે. આતંકવાદ વિરોધી ટુકડી (ATS) એ કહ્યું કે DRDO વૈજ્ઞાનિકની જાસૂસીના આરોપમાં ધરપકડ કરવામાં આવી છે.
વોટ્સએપ દ્વારા સંપર્કમાં હતો
આ વૈજ્ઞાનિક પુણેમાં ડીઆરડીઓ શાખામાં કામ કરતો હતો. તપાસમાં વોટ્સએપ મેસેજ, વોઈસ કોલ, વીડિયો અને સોશિયલ મીડિયા દ્વારા પાકિસ્તાનની ગુપ્તચર એજન્સીના ઓપરેટિવ્સ સાથેના સંપર્કો બહાર આવ્યા હતા.
દેશની સુરક્ષા સાથે ચેડા કરવાનો આરોપ
ATSએ કહ્યું કે જવાબદાર પદ પર હોવા છતાં DRDO અધિકારીએ પોતાના પદનો દુરુપયોગ કર્યો. તેમણે સંવેદનશીલ સરકારી માહિતી લીક કરીને પોતાની જવાબદારીઓ અને દેશની સુરક્ષા સાથે ચેડા કર્યા હતા. જો આવી માહિતી દુશ્મન રાષ્ટ્રના હાથમાં આવી જાય તો તે ભારતની સુરક્ષા માટે ખતરો બની શકે છે.
હનીટ્રેપ સંબંધિત કેસ
એટીએસ અધિકારીએ કહ્યું કે આ હનીટ્રેપનો મામલો છે. બુધવારે તેની ધરપકડ કરવામાં આવી હતી. મુંબઈમાં ATSના કાલાચોકી યુનિટમાં ઓફિશિયલ સિક્રેટ એક્ટની સંબંધિત કલમો હેઠળ કેસ નોંધવામાં આવ્યો છે. આ મામલે વધુ તપાસ ચાલી રહી છે.