ગુજરાતમાં મોબાઈલ ચોરીની ઘટનાઓ સતત વધી રહી છે. આ બધા વચ્ચે ખેડબ્રહ્માના કોંગ્રેસના ધારાસભ્યની પત્નીનો મોબાઈલ ફોન આંચકીને આરોપીઓ ફરાર થઈ ગયા હતા. આ મામલે ધારાસભ્યએ સુરત પોલીસમાં ફરિયાદ કરતાં પોલીસે તપાસ શરૂ કરી છે.
શું છે સમગ્ર મામલો
પ્રાપ્ત માહિતી અનુસાર કોંગ્રેસના ખેડબ્રહ્માના ધારાસભ્ય ડો. તુષાર ચૌધરીના પત્ની ડો.દીપ્તિબેન ચૌધરીના ફોન સ્નેચિંગની ઘટનાએ ચકચાર મચાવી છે. દીપ્તિબેન ચૌધરી જોગર્સ પાર્ક નજીકથી પસાર થઈ રહ્યા હતા ત્યારે સ્નેચરો તેનો મોબાઈલ આંચકીને ભાગી ગયા હતા.
બનાવ બાદ ધારાસભ્ય તુષાર ચૌધરીએ ઉમરા પોલીસ મથકમાં અજાણ્યા શખ્સો સામે ફરિયાદ કરતાં પોલીસે ફરિયાદના આધારે ગુનો નોંધી સીસીટીવી ચેક કરવા સહિતની કાર્યવાહી હાથ ધરી છે. નોંધનીય છે કે આ મામલે તુષાર ચૌધરીએ પોલીસ કમિશનરને પણ ફરિયાદ કરી છે.