મુંબઈઃ વિદેશી પોર્ટફોલિયો રોકાણકારો (FPIs) જાન્યુઆરીથી ભારતીય બજારોમાં સતત વેચાણ કરી રહ્યા છે અને ફેબ્રુઆરી 2024માં પણ વેચાણ ચાલુ રહ્યું. ફેબ્રુઆરીમાં સકારાત્મક શરૂઆત પછી, નબળા વૈશ્વિક વલણોને કારણે જાન્યુઆરીમાં ચોખ્ખી વેચવાલી બાદ શેરોમાં આ મહિને ભારે વેચવાલી જોવા મળી છે.
જેમાં વર્ષ 2024માં ફેબ્રુઆરી 2024માં અત્યાર સુધીમાં રૂ.3776 કરોડના શેરનું ચોખ્ખું વેચાણ થયું છે.
ફેબ્રુઆરીમાં FPIs દ્વારા ડેટ, હાઇબ્રિડ, ડેટ-VRR અને ઇક્વિટીમાં કુલ ચોખ્ખી ખરીદી રૂ. 19,608 કરોડ હતી, જ્યારે ઇક્વિટીમાં અત્યાર સુધીમાં રૂ. 3776 કરોડની ચોખ્ખી વેચવાલી થઇ છે.
યુએસ ફેડરલ રિઝર્વ દ્વારા ગયા વર્ષે વ્યાજ દરમાં ઘટાડો અને માર્ચ 2024માં રેટ કટની શક્યતાના સંકેત બાદ વિદેશી પોર્ટફોલિયો રોકાણકારોએ ડિસેમ્બરમાં ભારે ખરીદી કરી હતી. તે જ સમયે, યુએસ બોન્ડ યીલ્ડમાં ઘટાડો થયો અને ભારત સહિતના વિકાસશીલ દેશોના બજારોમાં વિદેશી ભંડોળનો પ્રવાહ અટકી ગયો.
NSDL ડેટા અનુસાર, કેલેન્ડર વર્ષ 2023 માં, FPIs એ ભારતીય ઇક્વિટીમાં રૂ. 1.71 લાખ કરોડની ખરીદી કરી હતી અને કુલ ડેટ, હાઇબ્રિડ, ડેટ-VRR અને સ્ટોક્સે રૂ. 2.37 લાખ કરોડની ખરીદી કરી હતી.
FPIs એ 2023 માં ભારતીય ડેટ માર્કેટમાં રૂ. 68,663 કરોડનું ચોખ્ખું રોકાણ કર્યું હતું. નવેમ્બર 2023 માં, FPIs એ ભારતીય શેરોમાં રૂ. 9001 કરોડનું રોકાણ કર્યું હતું. સપ્ટેમ્બર અને ઓક્ટોબરમાં મળીને રૂ. 39,000 કરોડથી વધુનું વેચાણ થયું હતું.