નવી દિલ્હી . સરકારે G20 સમિટ 2023ની તૈયારીઓ શરૂ કરી દીધી છે. સમિટમાં આવનારા તમામ મહેમાનો માટે બુલેટપ્રૂફ કાર ખરીદવાનું કામ શરૂ થઈ ગયું છે. જાણકારી અનુસાર, 400 કરોડ રૂપિયાની લગભગ 50 બુલેટપ્રૂફ ઓડી કાર ખરીદવામાં આવશે, જે લેફ્ટ હેન્ડ ડ્રાઇવ સાથે આવશે. કયું મોડલ ખરીદવામાં આવશે તે હજુ સુધી કન્ફર્મ થયું નથી. પરંતુ અનુમાન છે કે તે Audi A8 L હોઈ શકે છે. આ બુલેટપ્રૂફ સેડાનનું જૂનું વર્ઝન ભારતમાં 2017માં રૂ. 9 કરોડમાં લોન્ચ થયું હતું. એવું પણ અનુમાન કરવામાં આવી રહ્યું છે કે જો આને જર્મનીથી આયાત કરવામાં આવશે, જેના કારણે તેમની કિંમત થોડી વધારે હશે. જર્મનીથી આયાત કરવામાં આવી હોવાથી આ કાર લેફ્ટ હેન્ડ ડ્રાઈવ હશે અને ભારતમાં લેફ્ટ હેન્ડ ડ્રાઈવ કાર ચલાવવી ગેરકાયદેસર છે. આવા વાહનોને ભારતમાં સમસ્યાનો સામનો કરવો પડી શકે છે.