પશ્ચિમ રેલવે અમદાવાદ મંડળના સબ ડિવિઝન રેલવે હોસ્પિટલ, ગાંધીધામમાં05જાન્યુઆરી2026ના રોજ પ્રથમ વાર ટોટલ ની રિપ્લેસમેન્ટ(TKR)સર્જરી સફળતાપૂર્વક કરવામાં આવી.
આ મૂશ્કેલ ઑપરેશન56વર્ષના મહિલા રેલવે લાભાર્થીનું સબ ડિવિઝન રેલવે હોસ્પિટલ, ગાંધીધામના અતિઆધુનિક ઑપરેશન થિયેટરમાં કરવામાં આવ્યું. કેસ-ટૂ-કેસ આધાર પર નિમાયેલા ઑર્થોપેડિક સર્જન અને એનેસ્થેટિસ્ટની નિષ્ણાંત ટીમ દ્વારા આ સર્જરી પૂર્ણપણે સુરક્ષિત, સુગમ અને સફળતાપૂર્વક કરવામાં આવી.
આ મહત્વપૂર્ણ સિદ્ધિ ડૉ. રમેશ જાંગિડ, ડિવિઝનલ મેડિકલ ઓફિસર(DMO),ગાંધીધામના માર્ગદર્શનમાં પ્રાપ્ત થઈ છે, જે સબ-ડિવિઝન રેલવે હોસ્પિટલ, ગાંધીધામમાં અપગ્રેડેડ ઑર્થોપેડિક સેવાઓના સુદ્રઢીકરણની દિશામાં એક મોટું પગલું છે. આ પહેલથી ભવિષ્યમાં રેલવે લાભાર્થીઓને ઉચ્ચ સ્તરની મેડિકલ સુવિધાઓ સ્થાનિક સ્તરે ઉપલબ્ધ થઈ શકશે.
અમદાવાદ મંડળ, પશ્ચિમ રેલવે દ્વારા સ્વાસ્થ્ય સેવાઓના સતત અપગ્રેડેશનની દિશામાં આ એક નોંધપાત્ર સિદ્ધિ છે.
