સુધારેલ પ્રારંભિક પરીક્ષાના પરિણામો વધુ ઉમેદવારોને મુખ્ય પરીક્ષામાં બેસવા માટે સક્ષમ બનાવશે, પરિણામ અંતિમ જવાબ કીના પ્રકાશન પછી જાહેર કરવામાં આવશે.
GPSC દ્વારા ફાઈનલ આન્સર કી જાહેર થયા બાદ પરિણામ જાહેર કરવાનો નિર્ણય લેવામાં આવ્યો છે. હાઈકોર્ટના આ નિર્ણયથી વિદ્યાર્થીઓને ફાયદો થશે. આ ઉપરાંત આ નિર્ણયથી વધુ ઉમેદવારો મુખ્ય પરીક્ષામાં બેસી શકશે. GPSC પ્રિલિમિનરી પરીક્ષાનું પરિણામ હવે રિવાઇઝ કરવામાં આવશે. હાઈકોર્ટના નિર્ણય બાદ પરિણામ રિવિઝનના મુદ્દે નિર્ણય લેવામાં આવ્યો છે.
આ નિર્ણયથી GPSC પરીક્ષા આપનારા ઉમેદવારોને ઘણો ફાયદો થશે. પ્રિલિમિનરી પરીક્ષાના પરિણામોના સુધારા સાથે, વધુ ઉમેદવારો મુખ્ય પરીક્ષામાં બેસી શકશે. જો કે, આ સમગ્ર બાબત ઉમેદવારોની લાંબા સમયથી માંગણી પણ હતી. હાઈકોર્ટના આ નિર્ણયથી ઉમેદવારોમાં ખુશીની લહેર ફેલાઈ ગઈ હતી.
ઉમેદવારોએ જણાવ્યું હતું કે નેગેટિવ માર્કિંગને કારણે ઉમેદવારોના માર્ક્સ અન્યાયી રીતે કાપવામાં આવ્યા હતા. એટલું જ નહીં, ફાઈનલ આન્સર કીના જવાબોમાં પણ ભૂલો હોવાનો દાવો કરવામાં આવ્યો હતો. જે બાદ આજે આ મામલે હાઈકોર્ટમાં સુનાવણી હાથ ધરવામાં આવી હતી. જેમાં કોર્ટે અરજદારોની પ્રાથમિક દલીલો સાંભળી હતી.