Gujarat SIR News: ગુજરાતમાં મતદાર યાદીના પુનરીક્ષણને લઈને રાજનીતિ ગરમાતી જોવા મળી રહી છે. દિલ્હીના પૂર્વ અરવિંદ કેજરીવાલના પ્રવાસ બાદ બુધવારે આમ આદમી પાર્ટીએ SIR ની પ્રક્રિયામાં ગરબડના આરોપ લગાવ્યા. પ્રદેશ પ્રમુખ ઈસુદાન ગઢવીએ કહ્યું કે મતદાર યાદીમાંથી ખોટી રીતે નામ હટાવવામાં આવ્યા છે. આમ આદમી પાર્ટી તરફથી પ્રેસ કોન્ફરન્સમાં કેટલાક ઓડિયો પણ રાખવામાં આવ્યા. આપના પ્રદેશ પ્રમુખ ઈસુદાન ગઢવીએ કહ્યું કે SIR પ્રક્રિયામાં ભાજપે મોટું કાવતરું કર્યું. તેમણે આરોપ લગાવ્યો કે 9 લાખથી વધુ નામ હટાવવાની ખોટી અરજીઓ આવી. ગઢવીએ આરોપ લગાવ્યો કે મતદાર યાદીમાંથી નામ હટાવીને લોકશાહી ખતમ કરવાની ભાજપની યોજના છે. તેમણે કહ્યું કે ઘરે-ઘરે વેરિફિકેશન બાદ અચાનક 9 લાખ અરજીઓ શંકાસ્પદ છે.
ઈસુદાન ગઢવીએ પોતાના વિસ્તારનો ઉલ્લેખ કરીને કહ્યું કે જામખંભાળિયામાં 15 હજારની આસપાસ નામ હટાવવાની અરજીઓ આપવામાં આવી. આપના પ્રદેશ પ્રમુખે કહ્યું કે તમામ વિધાનસભામાંથી 10 હજાર વોટ રદ કરવાનું કાવતરું ઘડ્યું. તેમણે કહ્યું કે 72 લાખની આસપાસ મતદારોના નામ હટાવવામાં આવ્યા. વિપક્ષ સમર્થકોને ટાર્ગેટ કરી મતાધિકાર છીનવવાની ભાજપની કોશિશ કરવામાં આવી છે. ગઢવીએ કહ્યું કે ચૂંટણી પંચ નિષ્પક્ષ રહે, નહીં તો આમ આદમી પાર્ટી કાયદેસરની કાર્યવાહી કરશે. તેમણે કહ્યું કે ખોટી અરજી કરનારાઓ અને સહયોગી અધિકારીઓ વિરુદ્ધ પોલીસ ફરિયાદની માંગ કરી. ગઢવીએ કહ્યું કે BLO ના કાર્ય પર ભરોસો નહીં રાખીને રાજકીય દબાણથી નામ હટાવવામાં આવ્યા હોવાની આશંકા વ્યક્ત કરી. ગઢવીએ કહ્યું કે એક પણ ખોટું નામ હટાવવામાં આવ્યું તો IRO થી કલેક્ટર સુધી લીગલ એક્શન લઈશું, જરૂર પડી તો સુપ્રીમ કોર્ટ સુધી જઈશું.
શું બોલ્યા આપના પ્રદેશ પ્રમુખ?
પ્રદેશ પ્રમુખ ઈસુદાન ગઢવીએ ગંભીર આરોપ લગાવતા કહ્યું કે SIR પ્રક્રિયા દરમિયાન BLA-1, BLA-2 અને BLO દ્વારા ઘરે-ઘરે જઈને કરવામાં આવેલી તપાસ બાદ લગભગ 73,73,000 મતદારોના નામ હટાવવાની પ્રક્રિયાને છોડીને બાકી તમામ કાર્ય યોગ્ય રીતે પૂરા કરવામાં આવ્યા હતા. પરંતુ આ પ્રક્રિયા પૂરી થયા બાદ ભાજપના નેતાઓ અને કાર્યકર્તાઓ દ્વારા એક મોટું ષડયંત્ર રચવામાં આવ્યું છે. છેલ્લા બે-ત્રણ દિવસમાં ભાજપ કાર્યકર્તાઓ દ્વારા લગભગ 9,59,000 થી વધુ અરજીઓ મતદાર યાદીમાંથી નામ હટાવવા માટે દાખલ કરવામાં આવી છે. જે અત્યંત શંકાસ્પદ છે. ઘણા વિસ્તારો જેવા કે ખંભાળિયા વિધાનસભા, બાપુનગર, રાજકોટ, કચ્છ અને અન્ય સ્થળો પર હજારો અરજીઓ એક સાથે દાખલ થઈ હોવાની જાણકારી સામે આવી છે.
ઓડિયો દ્વારા આપ દ્વારા પુરાવા રજૂ કરાયા
જામખંભાળિયામાં 15 હજારની આસપાસ નામ હટાવવાની અરજીઓ આપવામાં આવી, તમામ વિધાનસભામાંથી 10 હજાર વોટ રદ કરવાનું કાવતરું ઘડવામાં આવ્યું. ઈસુદાન ગઢવીએ આરોપ લગાવ્યો કે ઘણી અરજીઓ એવા લોકોના નામથી કરવામાં આવી છે જેમને પોતાના વિરુદ્ધ અરજી થઈ હોવાની જાણકારી પણ નથી. આપ દ્વારા ઓડિયો પુરાવાઓ સાથે SIR પ્રક્રિયામાં થઈ રહેલા કૌભાંડ ઉજાગર કર્યા અને દીપાલી બેન દ્વારા કોઈ અરજી કરવામાં આવી ન હોવાનો કોલ રેકોર્ડ પણ વાયરલ કર્યો. આપ દ્વારા માંગ કરવામાં આવી છે કે નામ હટાવવા માટે આવેલી તમામ અરજીઓની વિપક્ષના પ્રતિનિધિઓની હાજરીમાં પુનઃ તપાસ કરવામાં આવે. 2. ખોટી અરજી કરનારાઓ અને ખોટા દસ્તાવેજો રજૂ કરનારાઓ વિરુદ્ધ ફોજદારી કાર્યવાહી અને પોલીસ ફરિયાદ કરવામાં આવે.
SIR માં ગરબડ પર કોંગ્રેસ પણ આક્રમક
ગુજરાતમાં ચાલી રહેલી SIR ની પ્રક્રિયામાં કોંગ્રેસ પાર્ટીએ પણ ગરબડના આરોપ લગાવ્યા છે. ગુજરાત પ્રદેશ કોંગ્રેસના પ્રમુખ અમિત ચાવડાએ કહ્યું છે કે છેલ્લા ત્રણ દિવસમાં 10 લાખ ફોર્મ 7 ભરવામાં આવ્યા છે. જેના માધ્યમથી ડ્રાફ્ટ યાદીમાંથી નામ હટાવવાનું ષડયંત્ર રચવામાં આવ્યું છે. ચાવડાએ કહ્યું છે કે આ ચૂંટણી પંચ પર ગંભીર સવાલ ઉભા કરી રહ્યું છે. ચાવડાએ કહ્યું કે ચૂંટણી પંચ વિરુદ્ધ પાર્ટી તમામ જિલ્લાઓમાં વિરોધ પ્રદર્શન કરશે. ગુજરાતમાં હવે SIR બાદ ફાઈનલ વોટર લિસ્ટ જાહેર કરવામાં આવશે. ત્યારબાદ મોટા શહેરો સાથે સ્થાનિક સ્વરાજ્યની ચૂંટણીઓ યોજાશે.
