મ્યુનિ.ચુંટણીની તૈયારીઓઃ નવેસરથી મતદાર યાદી છપાવવાની પ્રક્રિયા શરૂ
(એજન્સી)અમદાવાદ, અમદાવાદ મહાનગરપાલિકાની સામાન્ય ચુંટણી યોજવા માટે ચુંટણીપંચ દ્વારા તડામાર તૈયારીઓ આદરવામાં આવી છે. અને તેના ભાગરૂપે અંદાજે ૬૦ લાખના ખર્ચે નવી મતદારયાદીઓ છાપવાની પ્રક્રિયા હાથ ધરાઈ છે.
મ્યુનિ. સુત્રોનાં જણાવ્યા અનુસાર શહેરનાં ૪૮ વોર્ડના મતદારોના નામસરનામાં સાથેની મુળ તથા પુરવણી મતદારયાદીઓની તૈયાર થનારી સોફટ કોપી ઉપરથી મતદારયાદી છપાવવામાં આવશે. જોકે વિધાનસભા મતદાર વિભાગે માટે એસઆઈઆર પ્રક્રિયા બાદ ૧૭મી ફેબ્રુઆરીએ પ્રસિદ્ધ થનારી મતદારયાદીઓ ઉપરથી અમદાવાદ મહાનગરપાલિકાનો ૪૮ વોર્ડની વોર્ડવાઈઝ મતદારયાદી તૈયાર કરવાની રહે છે.
જેના માટે રાજય ચુંટણીપંચ દ્વારા વોર્ડવાઈઝ અને ફોટાવાળી મતદારયાદી તૈયાર કરવાની કામગીરી નિયત કરેલી કંપનીને સોપવામાં આવી છે. આ કંપની પાસેથીત મામ વોર્ડની મતદારયાદીની હાડ કોપી તથા સોફટ કોપી મેળવવામાં આવશે. તદઉપરાંત ૪૮ વોર્ડમાં એક એક હાર્ડ કોપી એટલે કે પેપર કોપી મુકવી પડશે તેને ધ્યાને લઈ પ૦ જેટલી નકલની જરૂરીયાત રહેશે. તેથી કંપની દ્વારા સોફટ કોપી આપવામાં આવશે. તેના ઉપરથી પ્રિન્ટ કોપી છપાવવામાં આવશે.
મ્યુનિ. ઈલેકશન ખાતા દ્વારા મતદારયાદી છપાવવા માટે જારી કરવામાં આવેલા શોર્ટ ટેન્ડર અનુસાર, ર૪ ફુબ્રુઆરી સુધીમાં ઓનલાઈન ભાવ ભરી શકાશે. તેમજ જરૂરી ફી-ઈએમડી વગેરે ભરી શકાશે. ત્યારબાદ રપમી ફેબ્રુઆરીએ ટેન્ડર ખોલવામાં આવશે.
આ ટેન્ડરમાં એવી શરત પણ રાખવામાં આવી છે કે, મતદારયાદી છાપવાની કામગીરી કરનારા કોઈ રાજકીય પક્ષ સાથે સંકળાયેલા હોવા જોઈએ નહી પરંતુ તે પુરવાર કરવું અઘરું કામ છે તેમ જાણકારોનું કહેવું ેકે તેમ છતાં મ્યુનિ. ઈલેકશન વિભાગના અધિકારીએ મતદારયાદી છાપવાનો કોન્ટ્રાકટ લેશે તે કંપનીના પ્રિન્ટીગ પ્રેસની ગમે ત્યારે મુલાકાત લઈ ચેકીગ કરી શકશે.
મ્યુનિ. ઈલેકશન ખાતા દ્વારા મતદારયાદી પ્રસિદ્ધ કરવા હાથ ધરાયેલી કામગીરીને જોતાં નવી છપાયેલી મતદારયાદીઓની ચકાસણી તેમજ મંજુરીને એકાદ મહીનો લાગી જાય તેવી શકયતા છ.ે અને તેને જોતાં માર્ચ મહીનામાં નહી પરંતુ એપ્રીલ કે મે મહીનામાં સામાન્ય ચુંટણી યોજાય તેવી ધારણા મ્યુનિ. વર્તુળોમાં ચર્ચાઈ રહી છે.
એટલું જ નહી વર્તમાન ચુંટાયેલી પાંખની મુદત પુરી થયા બાદ મ્યુનિ.માં વહીવટદારની નિમણુક્ કરવામાં આવે છે.તો પુર્વ મ્યુનિ. કમીશ્નર એમ. થેન્નાસરે જવાબદારી સોપવામાં આવે તો મ્યુનિ.તંત્ર ગતીશીલ બની રહેશે તેમ જાણકારોનું માનવું છે.
