આઈપીએલ 2024ની હરાજીમાં રેકોર્ડ બની રહ્યા છે અને તૂટી રહ્યા છે. આજે સનરાઈઝર્સ હૈદરાબાદે ઓસ્ટ્રેલિયાના પેટ કમિન્સને 20.50 કરોડમાં ખરીદ્યો, જે આઈપીએલના ઈતિહાસમાં કોઈ ખેલાડી માટે ખર્ચવામાં આવેલી સૌથી મોટી રકમ હતી. આ બોલીના એક કલાક બાદ જ ઓસ્ટ્રેલિયન ખેલાડી મિશેલ સ્ટાર્કને કોલકાતા નાઈટ રાઈડર્સ (KKR)ની ટીમે 24.75 કરોડ રૂપિયામાં ખરીદ્યો હતો.
મિશેલ સ્ટાર્કની બેઝ પ્રાઈસ 2 કરોડ રૂપિયા હતી, ગુજરાત ટાઇટન્સ અને કોલકાતા નાઈટ રાઈડર્સે તેના માટે જોરદાર બોલી લગાવી હતી. શરૂઆતમાં દિલ્હી કેપિટલ્સ અને મુંબઈ ઈન્ડિયન્સે પણ મિશેલ સ્ટાર્ક માટે બોલી લગાવી હતી, પરંતુ જ્યારે તેઓ બજેટ કરતાં વધી ગયા ત્યારે આ બંને ટીમો પાછળ રહી ગઈ હતી. નવાઈની વાત એ છે કે મિચેલ સ્ટાર્ક આઈપીએલમાં માત્ર બે સીઝન રમ્યો છે, છેલ્લી વખત તેણે વર્ષ 2015માં આઈપીએલ રમી હતી. આ પછી મિચેલ સ્ટાર્ક ક્યારેય IPL નથી રમ્યો.