અમદાવાદ, શ્રીજી શિપિંગ ગ્લોબલ લિમિટેડ (SSGL)એ જાહેરાત કરી હતી કે તે મંગળવાર 19 ઓગસ્ટ 2025 ના રોજ ઇક્વિટી શેરના ઈનિશિયલ પબ્લિક ઓફર (આઈપીઓ)ના સંદર્ભે તેની બિડ / ઇસ્યુ ખુલ્લો મુકશે. બિડ/ ઇસ્યુ ગુરુવાર, 21 ઓગસ્ટ 2025 ના રોજ બંધ થશે.
એન્કર ઇન્વેસ્ટર બિડિંગની તારીખ સોમવાર, 18 ઓગસ્ટ, 2025 રહેશે. ત્યારબાદ ઓછામાં ઓછા 58 ઇક્વિટી શેર અને 58 ઇક્વિટી શેરના ગુણાંકમાં બિડિંગ કરી શકાશે. (“બિડની વિગતો”) ઇસ્યુની પ્રાઇસ બેન્ડ રૂ.240થી રૂ.252 પ્રતિ ઇક્વિટી શેર નક્કી કરવામાં આવી છે. (“ઇસ્યુ પ્રાઇસ”)
કુલ ઇસ્યુ સાઇઝમાં 16,298,000 ઇક્વિટી શેરના 100% નવા ઇસ્યુનો સમાવેશ થાય છે, જેની ફેસ વેલ્યુ રૂ.10 છે (“ફ્રેશ ઇસ્યુ”). કંપની નવા ઇસ્યુમાંથી ચોખ્ખી આવકનો ઉપયોગ જહાજોના એક્વિઝિશન (સેકન્ડરી માર્કેટમાંથી સુપ્રામેક્સ કેટેગરીમાં ડ્રાય બલ્ક કેરિયર્સ) માટે કરવાની યોજના ધરાવે છે, જે અંદાજિત 2,511.79 મિલિયન રૂપિયા [રૂ.251.18 કરોડ] જેટલો સંભવ છે,
આ ઉપરાંત કંપની દ્વારા લેવામાં આવેલા કેટલાક બાકી લેણાંની આંશિક અથવા સંપૂર્ણ ચૂકવણી પેટે રૂ.230 મિલિયન [રૂ.23 કરોડ] અને બાકીના જનરલ કોર્પોરેટ હેતુઓ માટે બાકીની રકમનો ઉપયોગ કરવાની યોજના ધરાવે છે. (“ધ ઓબ્જેક્ટ ઓફ ધ ઇસ્યુ”). ભારતમાં કે વૈશ્વિક સ્તરે સમાન ગ્રૂપની કોઈ લિસ્ટેડ કંપનીઓ (એટલે કે, એક જ ઉદ્યોગમાં તુલનાત્મક કદની કંપનીઓ) નથી, જે કંપની જેવા જ બિઝનેસમાં સંકળાયેલી હોય.
કંપની ભારત અને શ્રીલંકાના વિવિધ બંદરો અને જેટી પર ડ્રાય બલ્ક કાર્ગો માટે શિપિંગ અને લોજિસ્ટિક સોલ્યુશન્સ ઉપલબ્ધ બનાવે છે. 31 માર્ચ, 2025 સુધીમાં તેણે 80 થી વધુ જહાજોના કાફલાનું સંચાલન કર્યું છે, જેમાં બાર્જ, મિની બલ્ક કેરિયર્સ, ટગ બોટ અને ફ્લોટિંગ ક્રેન્સનો સમાવેશ થાય છે, જેમાં 370 થી વધુ અર્થમૂવિંગ ઉપકરણો સામેલ છે. કંપની એક અગ્રણી સંકલિત શિપિંગ અને લોજિસ્ટિક સોલ્યુશન્સ પ્રોવાઇડર તરીકે વિકાસ પામી છે, જે મુખ્યત્વે ભારતના પશ્ચિમ કિનારે આવેલા નોન-મેજર બંદરો અને જેટી પર ધ્યાન કેન્દ્રિત કરે છે, અને તેણે કંડલા, નવલખી, મગદલ્લા, ભાવનગર, બેડી, ધર્મતાર અને શ્રીલંકાના પુટ્ટાલમ પોર્ટ સહિતના 20થી વધુ બંદરો પર સેવા આપી છે. આ ઉદ્યોગમાં તેની કુશળતા અને વિસ્તૃત પરિવહન નેટવર્કનો ઉપયોગ કરીને તે ઓઇલ અને ગેસ, ઊર્જા અને ઊર્જા, એફએમસીજી, કોલસો અને મેટલ જેવા ક્ષેત્રોને સેવા પૂરી પાડે છે, જે એન્ડ-ટુ-એન્ડ સિંગલ-વિન્ડો સેવાઓ પૂરી પાડી ગ્રાહકોની સુવિધામાં વધારો કરે છે અને આવક વૃદ્ધિને વેગ આપે છે.
કંપની વિવિધ ક્ષેત્રોમાં કાર્યરત ગ્રાહકોના વિશાળ સમૂહને સેવાઓ પૂરી પાડે છે. જેમાં સિલોન શિપિંગ કોર્પોરેશન લિમિટેડ, અદાણી એન્ટરપ્રાઇઝિસ લિમિટેડ, ટોરેન્ટ પાવર લિમિટેડ, ટાટા ઇન્ટરનેશનલ લિમિટેડ, આરએસપીએલ લિમિટેડ, શ્રી દિગ્વિજય સિમેન્ટ કોર્પોરેશન લિમિટેડ, અલ્ટ્રાટેક સિમેન્ટ લિમિટેડ, અંબુજા સિમેન્ટ્સ લિમિટેડ, એસીસી લિમિટેડ, અગ્રવાલ કોલ કોર્પોરેશન પ્રાઇવેટ લિમિટેડ, તરણજોત રિસોર્સિસ પ્રાઇવેટ લિમિટેડ, મોહિત મિનરલ્સ લિમિટેડ, બાલાજી મોલ્ટ્સ પ્રાઇવેટ લિમિટેડ, એફસી અગ્રવાલ કોલ પ્રાઇવેટ લિમિટેડ, એફસી અગ્રવાલ કોલ પ્રાઇવેટ લિમિટેડ, ગ્રીન ગોલ્ડ ગ્લોબલ રિસોર્સીસ પ્રાઇવેટ લિમિટેડ, એ ટી ટ્રેડ ઓવરસીઝ પ્રાઇવેટ લિમિટેડ, પીઆરએચ રિસોર્સિસ પ્રાઇવેટ લિમિટેડ, ગ્લોબલ લોજિસ્ટિક્સ અને આર્સેલરમિત્તલ નિપ્પોન સ્ટીલ ઇન્ડિયા લિમિટેડ સહિતનો સમાવેશ થાય છે. નાણાકીય વર્ષ 2025 માટે, કંપનીએ રૂ. 6,076.13 મિલિયનની રેવન્યુ, રૂ. રૂ.2,006.82 મિલિયનનો ઇબીઆઇટીડીએ તથા રૂ. 1,412.37 મિલિયનનો કર બાદનો નફો કરીને આવક મેળવી છે.
કંપનીને 15 વર્ષ માટે કોલકાતાના શ્યામા પ્રસાદ મુખર્જી પોર્ટ હેઠળ ડાયમંડ હાર્બર અને અન્ય ડીપ ડ્રાફ્ટ સ્થળો પર કાર્ગો અને કન્ટેનર લાઇટનિંગ/ટોપ-અપ માટે ફ્લોટિંગ ક્રેન સુવિધાઓ સ્થાપિત કરવા માટે લેટર ઓફ ઇન્ટેન્ટ (એલઓઆઇ) મળ્યો છે. આ ઉપરાંત, કંપની ભાગીદારોના કન્સોર્ટિયમ સાથે કોલ માઈનિંગના વ્યવસાયમાં પ્રવેશવાની યોજના બનાવી રહી છે, જે અંતર્ગત તેણે ઇસ્ટર્ન કોલફિલ્ડ્સ લિમિટેડ પાસેથી 25 વર્ષના ગાળા (કરારનો સમયગાળો) માં રૂ.80,307.88 મિલિયન (જીએસટી સિવાય) મૂલ્યનો ઓર્ડર મેળવ્યો છે.
કંપની ભારતમાં સંકલિત શિપિંગ અને લોજિસ્ટિક્સ સર્વિસ સેક્ટરમાં અગ્રણી સ્થાન ધરાવે છે, જે ચાવીરૂપ ઉદ્યોગ સેગમેન્ટમાં સંસ્થાકીય ગ્રાહકો સાથે લાંબાગાળાના સંબંધો ધરાવે છે. તેણે ડ્રાય બલ્ક સેગમેન્ટમાં કાર્ગો હેન્ડલિંગ કામગીરી સ્થાપિત કરી છે અને તેના પોતાની ફ્લીટ દ્વારા સમર્થિત કામગીરીની ક્ષમતાઓ ધરાવે છે. કંપનીએ તેની કાર્યકારી કાર્યક્ષમતા અને ગ્રાહક-કેન્દ્રિત અભિગમ દ્વારા સંચાલિત તેના નાણાકીય દેખાવમાં વૃદ્ધિનો પુરવાર થયેલો ટ્રેક રેકોર્ડ દર્શાવ્યો છે. તેના વ્યવસાયનું નેતૃત્વ અનુભવી પ્રમોટરોના હાથમાં છે અને પ્રતિબદ્ધ મેનેજમેન્ટ ટીમ દ્વારા તેને સહાય કરવામાં છે.
કંપનીની વ્યૂહરચના ખર્ચમાં ઘટાડો કરવાની સાથે સાથે જ, ઓપરેશનલ કાર્યક્ષમતા વધારવા પર અને ક્ષમતાઓને મજબૂત કરવા માટે તેની ફ્લીટ અને ઉપકરણોમાં રોકાણ કરવા પર ધ્યાન કેન્દ્રિત કરે છે. તેનો ઉદ્દેશ જમીનથી બંદર સુધીની કામગીરીને વિસ્તૃત કરવાનો, ઉદ્યોગની તકોનો લાભ ઉઠાવવાનો અને નવા ગ્રાહકો હસ્તગત કરીને અને નવા ક્ષેત્રોમાં પ્રવેશીને તેના રેવન્યુ બેઝમાં વિવિધતા લાવવાનો છે.
ગુજરાત સ્થિત રજિસ્ટ્રાર ઓફ કંપનીઝ (આરઓસી), અમદાવાદ સમક્ષ ફાઇલ કરવામાં આવેલા કંપનીના રેડ હેરિંગ પ્રોસ્પેક્ટસ દ્વારા 05 ઓગસ્ટ, 2025 ના રોજ ઓફર કરવામાં આવેલા ઇક્વિટી શેરોને નેશનલ સ્ટોક એક્સચેંજ ઓફ ઇન્ડિયા લિમિટેડ (“એનએસઇ”) અને બીએસઇ લિમિટેડ (“બીએસઈ” અને એનએસઇ સાથે મળીને , “સ્ટોક એક્સચેન્જીસ”) માં સૂચિબદ્ધ કરવાની દરખાસ્ત છે. ઇસ્યુ માટે, ડેઝિગ્નેટેડ સ્ટોક એક્સચેન્જ બીએસઈ લિમિટેડ રહેશે.
