નવી દિલ્હી: સ્ટીલ પાઇપ કંપની જેટીએલ ઇન્ડસ્ટ્રીઝનો કોન્સોલિડેટેડ ચોખ્ખો નફો માર્ચમાં પૂરા થયેલા છેલ્લા નાણાકીય વર્ષના ચોથા ક્વાર્ટરમાં બમણો વધીને રૂ. 36.65 કરોડ થયો છે. આવક વધવાની સાથે કંપનીનો નફો પણ વધ્યો છે. જેટીએલ ઈન્ડસ્ટ્રીઝે સ્ટોક એક્સચેન્જને આ માહિતી આપી હતી. અગાઉના નાણાકીય વર્ષના સમાન ત્રિમાસિક ગાળામાં કંપનીએ રૂ. 18.94 કરોડનો ચોખ્ખો નફો મેળવ્યો હતો.
સમીક્ષા હેઠળના ક્વાર્ટરમાં કંપનીની કુલ આવક વધીને રૂ. 473.09 કરોડ થઈ છે, જે અગાઉના નાણાકીય વર્ષના સમાન ક્વાર્ટરમાં રૂ. 417.64 કરોડ હતી. કંપનીનો કુલ ખર્ચ પણ ક્વાર્ટર દરમિયાન રૂ. 392.94 કરોડથી વધીને રૂ. 422.73 કરોડ થયો છે. કંપનીના બોર્ડ ઓફ ડિરેક્ટર્સે 31 માર્ચ, 2023 ના રોજ પૂરા થતા નાણાકીય વર્ષ માટે રૂ. 2ના ફેસ વેલ્યુના ઇક્વિટી શેર દીઠ 20 પૈસાના ડિવિડન્ડની ભલામણ કરી છે.