ભારતીય જીવન વીમા નિગમ (LIC) ને દેશની ખાનગી ક્ષેત્રની સૌથી મોટી બેંક, HDFC બેંકમાં તેનો હિસ્સો વધારવાની મંજૂરી મળી છે. LIC હવે HDFC બેંકમાં 9.99 ટકા સુધીનો હિસ્સો ખરીદી શકે છે. મળતી માહિતી મુજબ, ભારતીય રિઝર્વ બેંકે આ સરકારી વીમા કંપનીને તેનો હિસ્સો વધારવાની મંજૂરી આપી છે. એલઆઈસીએ થોડા સમય પહેલા આ મામલે આરબીઆઈને અરજી કરી હતી. હાલમાં LIC HDFC બેંકમાં 5.19 ટકા હિસ્સો ધરાવે છે.
શેરબજારમાં HDFC દ્વારા આપવામાં આવેલી માહિતી અનુસાર RBIએ LICને HDFC બેંકમાં એક વર્ષની અંદર પોતાનો હિસ્સો વધારવાની સલાહ આપી છે. આ સાથે RBIએ LIC બેંકમાં હિસ્સો 9.99 ટકાથી ઉપર વધારવાનો આદેશ આપ્યો છે.
આરબીઆઈ દ્વારા મંજૂરીની જરૂર છે
બેંક ઓફ ઈન્ડિયાના નિયમો અનુસાર જે કોઈ પણ બેંકમાં 5 ટકાથી વધુ હિસ્સો રાખવા ઈચ્છે છે તેમણે રિઝર્વ બેંકની મંજૂરી લેવી પડશે. ઉપરાંત, 5 ટકાથી ઓછો હિસ્સો ખરીદવા માટે કોઈ પરવાનગીની જરૂર નથી.
HDFC બેંકના શેરમાં ભારે ઘટાડો
HDFC બેંકના નાણાકીય વર્ષ 2023-24ના ત્રીજા ક્વાર્ટરના પરિણામો 16 જાન્યુઆરીએ જાહેર કરવામાં આવ્યા હતા. આ ક્વાર્ટરમાં બેન્કનો નફો 33.5 ટકા વધીને રૂ. 16,372 કરોડ થયો છે. તો ગત નાણાકીય વર્ષમાં બેંકનો નફો 12,259 કરોડ રૂપિયા હતો. જ્યારે ગત નાણાકીય વર્ષમાં બેન્કની કુલ આવક રૂ. 51,208 કરોડથી વધીને રૂ. 81,720 કરોડ થઈ છે. ગયા ગુરુવારે બેંકનો શેર 1.04 ટકાના ઘટાડા સાથે રૂ. 1,440.70 પર બંધ થયો હતો.