એલપીજી ગેસ સિલિન્ડરનો આજે ભાવ: મહિનાના પહેલા દિવસે ઓઈલ કંપનીઓએ ગ્રાહકોને સારા સમાચાર આપ્યા છે. 1 મેના રોજ એલપીજી સિલિન્ડરના ભાવમાં ઘટાડો થયો છે. સરકારી તેલ કંપનીઓ દ્વારા કોમર્શિયલ સિલિન્ડરની કિંમતમાં આ ઘટાડો છે. આ સાથે જેટ ફ્યુઅલની કિંમતમાં પણ ઘટાડો થયો છે. ઓઈલ માર્કેટિંગ કંપનીઓએ આજે 19 કિલોના કોમર્શિયલ એલપીજી ગેસ સિલિન્ડરની કિંમતમાં 171.50 રૂપિયાનો ઘટાડો કર્યો છે.
આજથી નવા દરો લાગુ
તેલ કંપનીઓએ જેટ ફ્યુઅલ (એર ફ્યુઅલ)ની કિંમતમાં પણ 2415 રૂપિયા સુધીનો ઘટાડો કર્યો છે. નવા ભાવ આજથી લાગુ થશે. જો કે, અમે તમને અહીં જણાવી દઈએ કે ઘરેલુ એલપીજી સિલિન્ડરની કિંમતોમાં કોઈ ફેરફાર કરવામાં આવ્યો નથી. દિલ્હીમાં કોમર્શિયલ ગેસ સિલિન્ડરની કિંમત પહેલા 2028 રૂપિયા હતી અને હવે તેની કિંમત 1856.50 રૂપિયા થશે. જ્યારે કોલકાતામાં પણ 2132ની બોટલ 1960.50 રૂપિયાની કિંમતે મળશે.
મુંબઈની વાત કરીએ તો પહેલા આ સિલિન્ડરની કિંમત 1980 રૂપિયા હતી, જે હવે ઘટીને 1808.50 રૂપિયા થઈ જશે. ચેન્નાઈમાં 2192.50 રૂપિયાના સિલિન્ડરની કિંમત હવે 2021.50 રૂપિયા થશે.