નવી દિલ્હી: ૧૨-જામનગર લોકસભા ક્ષેત્ર (જામનગર અને દેવભૂમિ દ્વારકા જિલ્લા) ના મીડિયાકર્મીઓ માટે તાજેતરમાં નવી દિલ્હી ખાતે ભારતની લોકશાહીના સર્વોચ્ચ મંદિર સમાન ‘સંસદ ભવન’ અને ‘સંવિધાન સદન’ની વિશેષ મુલાકાતનું આયોજન કરવામાં આવ્યું હતું. આ પ્રસંગે જામનગરના MP પુનમબેન માડમ હાજર રહ્યા હતા.
આ મુલાકાત દરમિયાન પત્રકારોએએ સંસદની કાર્યપદ્ધતિ, તેના ઐતિહાસિક મહત્વ અને નૂતન સંસદ ભવનની ભવ્ય રચના વિશે અત્યંત ઉત્સાહપૂર્વક ઝીણવટભરી માહિતી મેળવી હતી. નવા સંસદ ભવન પાછળના ઉમદા ઉદ્દેશ્યો અને તેની અત્યાધુનિક વ્યવસ્થાઓ વિશે જાણીને સૌ પ્રતિનિધિઓ પ્રભાવિત થયા હતા.
લોકશાહી અને જનતા વચ્ચે સંવાદ મજબૂત કરવાના મજબૂત ‘સ્તંભ’ તરીકે કાર્યરત મીડિયાકર્મીઓએ આ ભવ્ય વ્યવસ્થાને નિહાળી હતી. “બંધારણના પાલન અને જતન” ના આ સર્વોચ્ચ ધામ પ્રત્યે તમામ મીડિયાકર્મીઓએ આદર વ્યક્ત કર્યો હતો. આ પ્રવાસના માધ્યમથી સ્થાનિક મીડિયા જગતને દેશની સંસદીય પ્રણાલીને વધુ નજીકથી સમજવાની અમૂલ્ય તક પ્રાપ્ત થઈ હતી.
