મોરબી તાલુકાના સોખડા ગામ પાસે બાઇક અને ટ્રક વચ્ચે અકસ્માત સર્જાયો હતો. જેમાં બે બાઇક સવારોના મોત થયા હતા. અકસ્માત બાદ ટ્રક ચાલક નાસી ગયો હતો. આ અંગેની માહિતી મળતા મોરબી તાલુકા પોલીસની ટીમ ઘટના સ્થળે પહોંચી યુવકની લાશને પોસ્ટમોર્ટમ માટે લઈ જઈ ધોરણસરની કાર્યવાહી હાથ ધરી હતી.
મળતી વિગત મુજબ રાજકોટની ખાનગી બેંકમાં નોકરી કરતા અમિત વિજય જોષી અને જીજ્ઞેશ સુરેશભાઈ ગાંધી નામના બે યુવાનો કામ અર્થે મોરબી-માળીયા હાઈવે બેંક પર આવ્યા હતા. જ્યારે તેઓ સોખડા નજીક પહોંચ્યા ત્યારે એક બેકાબૂ ટ્રકે બાઇકને ટક્કર મારી હતી અને ભયંકર અકસ્માત સર્જાયો હતો. જ્યાં બંને યુવકો ગંભીર રીતે ઘાયલ થયા હતા. જેમાં જીજ્ઞેશ ગાંધી નામના યુવકનું ઘટના સ્થળે જ મોત નીપજ્યું હતું. જ્યારે અમિત જોષીને સારવાર માટે રાજકોટ ખસેડવામાં આવ્યા હતા. જ્યાં તેનું મોત નીપજ્યું હતું.
બીજી તરફ અકસ્માત બાદ ટ્રક ચાલક ટ્રક મુકીને નાસી ગયો હતો. અકસ્માતની જાણ થતા મોરબી તાલુકા પોલીસ સ્ટાફની ટીમ ઘટના સ્થળે પહોંચી યુવકના મૃતદેહને પોસ્ટમોર્ટમ માટે મોરબીની સરકારી હોસ્પિટલમાં ખસેડી વાહન વ્યવહાર થાળે પાડ્યો હતો. આ મામલે તાલુકા પોલીસની ટીમે ફરાર ટ્રક ચાલકને ઝડપી લેવા કાયદેસરની કાર્યવાહી હાથ ધરી છે. આ ઉપરાંત સુત્રો પાસેથી મળતી માહિતી મુજબ બંને યુવકો પરિવારનો સહારો હતા.