Tata Motors Cars Price Hike: જો તમે પણ Tata Motors કાર ખરીદવાનું વિચારી રહ્યા છો, તો આ સમાચાર તમારા માટે ચિંતાજનક છે. હકીકતમાં, ટાટા ગ્રૂપે તાજેતરમાં એક પ્રેસ રિલીઝ જારી કરીને માહિતી આપી હતી કે કંપની 1 ફેબ્રુઆરી, 2024 થી ઇલેક્ટ્રિક વાહનો (EV) ની કિંમતો વધારવા જઈ રહી છે.
કંપનીએ વધુમાં જણાવ્યું હતું કે તમામ વાહનોની સરેરાશ કિંમતમાં 0.7 ટકાનો વધારો કરવામાં આવશે. તેની પાછળનું કારણ કંપની દ્વારા ઉત્પાદન ખર્ચને આંશિક રીતે સરભર કરવાનું જણાવવામાં આવ્યું છે. તમને જણાવી દઈએ કે જર્મન કાર નિર્માતા ઓડીએ પણ આ જ કારણને ટાંકીને 1 જાન્યુઆરી 2024ના રોજ પોતાના વાહનોની કિંમતમાં 2 ટકાનો વધારો કર્યો હતો.
આ સિવાય મારુતિએ પણ તાજેતરમાં 16 જાન્યુઆરીથી તેની તમામ મોડલ કારની કિંમતોમાં 0.45 ટકાનો વધારો કર્યો છે. અગાઉ મહિન્દ્રા કંપનીએ થાર, સ્કોર્પિયો એન, સ્કોર્પિયો ક્લાસિક અને XUV700ની કિંમતોમાં પણ વધારો કર્યો છે. જોકે, મહિન્દ્રાએ પણ XUV700ના કેટલાક વેરિઅન્ટની કિંમતમાં ઘટાડો કરીને રાહત આપી છે.
ટાટા મોટર્સે 1,38,455 પેસેન્જર વાહનોનું વેચાણ કર્યું હતું
જાન્યુઆરીની શરૂઆતમાં, ટાટાએ અહેવાલ આપ્યો હતો કે 2024 ના ત્રીજા ક્વાર્ટરમાં તેનું કુલ વૈશ્વિક વેચાણ વાર્ષિક ધોરણે 9% વધીને 3,38,177 યુનિટ થયું છે. જ્યારે વૈશ્વિક ધોરણે પેસેન્જર વાહનો 5% વધીને 1,38,455 યુનિટ થયા છે.
ટાટાના કોમર્શિયલ વાહનો પણ મોંઘા થયા છે
ગયા વર્ષે, 10 ડિસેમ્બર, 2023 ના રોજ, ટાટા મોટર્સે તેના તમામ કોમર્શિયલ વાહનોની કિંમતોમાં 3% વધારો કરવાની જાહેરાત કરી હતી. જે બાદ કોમર્શિયલ વાહનોની વધેલી કિંમતો 1 જાન્યુઆરી 2024થી લાગુ થઈ ગઈ છે.
આ પણ વાંચો- પેટ્રોલ અને ડીઝલના નવા ભાવ જારી, ક્રૂડ ઓઈલ પણ 80 ડોલર પ્રતિ બેરલથી નીચે