આજે દરેક વ્યક્તિ પાસે સ્માર્ટફોન છે અને તેના પર વોટ્સએપ પણ હશે તેવી પૂરી શક્યતા છે. જે હવે મેટા દ્વારા સંચાલિત છે. તમને જણાવી દઈએ કે ફેસબુક અને ઈન્સ્ટાગ્રામ પણ મેટા હેઠળ આવે છે.
જ્યારે મેટા તેના યુઝર્સને સમયાંતરે નવા અપડેટ્સ આપતું રહે છે. મેટાએ હવે તેના વપરાશકર્તાઓના અનુભવને વધુ બહેતર બનાવવા માટે WhatsAppમાં એક નવું અપડેટ આપ્યું છે. આ સુવિધા વપરાશકર્તાઓને વધુ ગોપનીયતા પ્રદાન કરશે કારણ કે તેમને તેમના વ્યક્તિગત ફોન નંબર શેર કરવાની જરૂર રહેશે નહીં.
WABetaInfo દ્વારા શેર કરવામાં આવેલ સ્ક્રીનશોટ મુજબ, નવું ફીચર WhatsAppના સર્ચ બારની ઉપર એક નવા ટેબ તરીકે દેખાશે. જેના દ્વારા યુઝર્સ હવે તેમના યુઝરનેમ કે અન્ય માહિતી જેમ કે નામ કે પ્રોફાઈલ પિક્ચરનો ઉપયોગ કરીને અન્ય લોકોને શોધી શકશે. જેમ કે તે ફેસબુકમાં થાય છે.
આ ફીચરની મદદથી યુઝર્સ પોતાનું યુઝર નેમ પસંદ કરી શકે છે જેના પછી તેઓ અન્ય યુઝર્સને લોગીન કરી સર્ચ કરી શકે છે.
આ ફીચર ખાસ કરીને એવા લોકો માટે ઉપયોગી છે જેઓ પોતાનો મોબાઈલ નંબર અન્ય લોકો સાથે શેર કરવા માંગતા નથી. જાણકારી અનુસાર, યૂઝર્સ બાદમાં પોતાનું યુઝર નેમ પણ બદલી શકે છે. આ ફીચર યુઝર્સને તેમની લૉક કરેલી ચેટ્સ માટે સિક્રેટ કોડ સેટ કરવાની પણ મંજૂરી આપે છે. આ કોડ તેમના ફોન અનલોક કોડથી અલગ હશે, જે વપરાશકર્તાઓને તેમની ખાનગી ચેટ્સને વધુ સુરક્ષિત રાખવામાં મદદ કરશે.