મુંબઈઃ ભારતમાં કંપનીઓ દ્વારા ભંડોળ એકત્ર કરવાની પ્રવૃત્તિ આગામી બે વર્ષમાં અત્યાર સુધીની સૌથી મજબૂત હશે. ભારતમાં બેન્ક ઓફ અમેરિકા કોર્પના ઇન્વેસ્ટમેન્ટ બેન્કિંગના વરિષ્ઠ અધિકારીએ એક મુલાકાતમાં જણાવ્યું હતું કે, કોર્પોરેટ જૂથો, ટેક્નોલોજી કંપનીઓ અને નાણાકીય સેવા પ્રદાતાઓ વૃદ્ધિ માટે મૂડીની શોધમાં રહેશે એટલું જ નહીં, પણ કંપનીઓ વર્તમાન તકનો લાભ લેવા પણ તૈયાર થશે. છે.
જો 2023 બ્લોક ટ્રેડનું વર્ષ હતું, તો 2024 પ્રારંભિક જાહેર ભરણાં (IPO)નું વર્ષ હશે. આ ગતિ 2025માં પણ ચાલુ રહેવાની ધારણા છે.
2024 અને 2025 બંને અત્યાર સુધીના IPO માટે અત્યંત વ્યસ્ત વર્ષ તરીકે જોવામાં આવશે. આઇપીઓ લાવનારી કંપનીઓમાં ટેક કંપનીઓ ઉપરાંત બહુરાષ્ટ્રીય કંપનીઓની કેટલીક ભારતીય પેટાકંપનીઓ પણ જોવા મળશે.
છેલ્લા આઠ વર્ષમાં ભારતના ઇક્વિટી બેન્ચમાર્ક સૂચકાંકો વધ્યા છે અને રિટેલ રોકાણકારોનું સ્તર પણ વધી રહ્યું છે. અર્થતંત્રની મજબૂત સ્થિતિ IPO માટે અનુકૂળ તકો પૂરી પાડે છે.
IMFએ 2024માં ભારતનો આર્થિક વિકાસ દર 6.50 ટકા અને 2025માં 6.70 ટકા રહેવાની આશા વ્યક્ત કરી છે.
ચીન હાલમાં શેરબજારમાં ઘટાડા અને પ્રોપર્ટી માર્કેટની અશાંત પરિસ્થિતિનો સામનો કરવા માટે સંઘર્ષ કરી રહ્યું છે ત્યારે ભારત પ્રગતિના પંથે આગળ વધી રહ્યું છે, જેના કારણે વિદેશી રોકાણકારો પણ અહીં અબજો ડોલરનું રોકાણ કરવા ઉત્સુક છે.
મોટાભાગના પ્રાઈવેટ ઈક્વિટી ફંડ્સ ચીન સિવાય અન્ય ઈન્વેસ્ટમેન્ટ બેઝની શોધમાં હોય છે. અધિકારીએ વધુમાં કહ્યું કે, ભારતને એક અલગ બજાર તરીકે જોવામાં આવી રહ્યું છે.
તમને જણાવી દઈએ કે 2023માં IPOની સંખ્યાના સંદર્ભમાં ભારત વૈશ્વિક સ્તરે ટોચ પર હતું.