(GNS),08
પ્રમુખ અને ઉપપ્રમુખની ચૂંટણી પહેલા ઊંઝા નગરપાલિકામાં હલચલ મચી ગઈ છે. ભાજપના છ કોર્પોરેટરો મોબાઈલ સ્વીચ ઓફ કરીને ગુમ થયાના સમાચાર મળતાં ભાજપમાં ખળભળાટ મચી ગયો છે. ઉલ્લેખનીય છે કે કામદાર પેનલને ગયાબ નગર સેવકો ટેકો આપે તેવી શક્યતા છે. જો કે આ દરમિયાન ધારાસભ્ય કિરીટ પટેલે નિવેદન આપ્યું છે કે તેઓ તેમના કામ માટે બહાર ગયા છે. જો કે, ઊંઝા નગરપાલિકામાં ભાજપના 6 સભ્યો ગાયબ થતા ભાજપ ચિંતાતુર છે. કારણ કે, ભાજપના 6 સભ્યો ગાયબ થતાં ભાજપ પ્રમુખ પદ ગુમાવે તેવી શક્યતા છે.
ઊંઝા નગરપાલિકામાં 36 સભ્યોમાંથી ભાજપ પાસે કામદાર પેનલના 15 અને 1 અપક્ષ મળી કુલ 20 સભ્યો છે. ભાજપના 6 સભ્યો ગાયબ થયા બાદ હવે ભાજપ પાસે 14 સભ્યો છે. છ ગુમ થયેલા સભ્યોએ કામદાર પેનલને ટેકો આપ્યો હોવાની શક્યતા છે. સૂત્રો પાસેથી મળતી માહિતી મુજબ નરેશ પરમાર ટીપી ચેરમેનની આગેવાનીમાં ભાજપના સભ્યો ગુમ થયા હોવાના અહેવાલો વહેતા થયા છે. વિકાસના કામો ન થતાં અસંતોષના કારણે સભ્યો ગુમ થયા હોવાનું પણ બહાર આવ્યું છે. ધારાસભ્યો સાથે બેઠક યોજાઈ હતી. વિકાસના કામો અંગે કોઈ જવાબદારી ન લેનાર સભ્યો ગુમ થઈ ગયા હોવાનું બહાર આવ્યું છે. હવે ભાજપ આ સભ્યોને સસ્પેન્ડ કરી શકે છે. નરેશ પરમાર, જગદીશ ચાવડા, કામિનીબેન પટેલ, સંજય પટેલ, કૃપા રાવલ ગુમ થયા છે અને તેમના ફોન પણ સ્વીચ ઓફ છે.