ભારતની અગ્રણી કાર ઉત્પાદક કંપની ટાટા ગ્રુપે એક મોટી જાહેરાત કરી છે. ટાટા ગ્રુપ નજીકના ભવિષ્યમાં યુકેમાં એક મોટી બેટરી સેલ ફેક્ટરી સ્થાપવા જઈ રહ્યું છે. ટાટા સન્સે યુકેમાં વૈશ્વિક બેટરી સેલ ગીગાફેક્ટરી સ્થાપવાની તેની યોજના જાહેર કરી છે.
કંપનીએ આ માટે £4 બિલિયન કરતાં વધુ રોકાણ કરવાની યોજના જાહેર કરી છે. ફેક્ટરી વાર્ષિક 40 GW સેલનું ઉત્પાદન કરશે. આ પગલું ટાટા ગ્રુપની ઇલેક્ટ્રિક મોબિલિટી અને રિન્યુએબલ એનર્જી સ્ટોરેજ સોલ્યુશન્સ પ્રત્યેની પ્રતિબદ્ધતાનો એક ભાગ છે. આ યુકેમાં મોટા પાયે સ્પર્ધાત્મક ગ્રીન ટેક ઇકોસિસ્ટમ બનાવશે.