ડીસાના ભોપાનગર વિસ્તારમાં રહેતા કાળુભાઈ માજીરાણા છોટાહાથી ગઢીમાં ફેરી ચલાવીને પોતાનું ગુજરાન ચલાવે છે અને તેઓ દરરોજ સાંજે ઘરની સામે પોતાની નાની ગાડી પાર્ક કરતા હતા. પાર્કિંગ બાબતે પડોશીઓ સાથે અવારનવાર ઝઘડા થતા હતા. દરમિયાન રોષે ભરાયેલા પાડોશીએ તેના મિત્રોને બોલાવીને કાળાભાઈ પર લાકડી અને પટ્ટા વડે હુમલો કર્યો હતો. જેમાં કાળાભાઇને માથા અને શરીરે ગંભીર ઇજાઓ થઇ છે.
અચાનક ટોળાએ હુમલો કરતા આસપાસના લોકો દોડી આવ્યા હતા. જ્યારે કાળુભાઈના પરિવારના સભ્યો પણ ઘરની બહાર આવ્યા ત્યારે કાળુભાઈ લોહીલુહાણ થઈ ગયા હતા. જેથી તેઓ તાત્કાલિક ઇજાગ્રસ્તને સારવાર માટે સરકારી દવાખાને લઇ ગયા હતા. જ્યાં પ્રાથમિક સારવાર બાદ સિટી દક્ષિણ પોલીસ મથકે બનાવ સંદર્ભે ફરિયાદ નોંધવા પ્રયાસ હાથ ધરાયો હતો.