બનાસકાંઠા જિલ્લામાં વિકાસ ભારત સંકલ્પ યાત્રા અંતર્ગત સરકારની વિવિધ યોજનાઓનો પ્રચાર કરતો રથ દાંતા તાલુકાના મકનચાંપા ગામે પહોંચ્યો ત્યારે ગ્રામજનોએ ઉમળકાભેર સ્વાગત કર્યું હતું. જરૂરીયાતમંદ લાભાર્થીઓને યોજનાનો લાભ મેળવવા અંગેની માહિતી આપવામાં આવી હતી. ઉપરાંત નામ નોંધણી અને KYC સંબંધિત કામગીરી પણ સ્થળ પર જ કરવામાં આવી હતી અને લાભાર્થીઓને લાભ આપવામાં આવ્યો હતો.
આ રથ દ્વારા, ગ્રામજનોએ આદિવાસી વિસ્તારોમાં સરકાર દ્વારા અમલમાં મૂકાયેલી લોકલક્ષી યોજનાઓ અને કાર્યોની ઝાંખી આપતી ટૂંકી ફિલ્મ ખૂબ જ રસપૂર્વક નિહાળી હતી. આ ઉપરાંત સ્થાનિક ગ્રામજનોને યોજનાના બેનરો અને પેમ્ફલેટ દ્વારા સરકારની સિદ્ધિઓ વિશે સાહિત્યનું વિતરણ કરીને જનજાગૃતિ લાવવાનો પ્રશંસનીય પ્રયાસ કરવામાં આવ્યો હતો. આ પ્રસંગે મકનચાંપા ગામના સરપંચ, તલાટી સહમંત્રી, આરોગ્ય કાર્યકરો, આંગણવાડી કાર્યકર બહેનો અને ગ્રામ્ય પ્રમુખોએ લોકોને વિવિધ સરકારી યોજનાઓનો લાભ લેવા પ્રેરિત કર્યા હતા.