પાટણ તાલુકાના બાલીસણા ગામે મારામારીના કેસમાં મહિલા પી.એસ.આઈ. જે.એસ ચૌધરીની ધરપકડ કરાયેલા 21 આરોપીઓના રિમાન્ડ આજે પૂર્ણ થતાં તેઓને પાટણની જ્યુડિશિયલ કોર્ટમાં રજૂ કરવામાં આવ્યા હતા. મેજિસ્ટ્રેટે તમામ આરોપીઓને જ્યુડિશિયલ કસ્ટડીમાં મોકલી આપ્યા હતા. ટૂંક સમયમાં જ તેઓ સંબંધિત કોર્ટમાં જામીન અરજી રજૂ કરશે. જ્યારે આ કેસમાં સામા પક્ષે બે આરોપીઓને પોલીસ સ્ટેશન કક્ષાએથી જ જામીન પર મુક્ત કરવામાં આવ્યા હતા. આ કેસના 21 આરોપીઓને પાટણ કોર્ટમાં લાવવામાં આવતાની સાથે જ કોર્ટરૂમ ખીચોખીચ ભરાઇ ગયો હતો. તેમની સાથે મોટો પોલીસ કાફલો અને આરોપી પક્ષના સંબંધીઓ પણ આવ્યા હતા.