ICDS વિભાગ પાટણ પાટણ શહેર સહિત સમગ્ર જિલ્લાના બાળકોને કુપોષણથી મુક્ત કરવા કાર્યરત છે. પાટણ શહેર અને જિલ્લાના દાતા પરિવારો પણ આ અભિયાનમાં આર્થિક સહયોગ આપે છે અને કુપોષિત બાળકોને પોષક આહારની કીટનું વિતરણ કરે છે. ત્યારે બુધવારે પાટણ શહેરના આંબેડકર હોલ ખાતે પાટણ શહેરના જાણીતા ગાયનેકોલોજિસ્ટ ડો.વ્યોમેશ શાહ દ્વારા કુપોષિત બાળકોને પોષણની કીટનું વિતરણ અને આંગણવાડી બહેનોને પ્રોત્સાહિત કરવાનો કાર્યક્રમ યોજાયો હતો. વ્યોમેશ શાહ દ્વારા આઈસીડીએસ વિસ્તાર પાટણ 1ના સહયોગથી યોજાયેલા આ કાર્યક્રમમાં પાટણ જિલ્લા પંચાયત મહિલા આરોગ્ય અને બાળ કલ્યાણ વિભાગના પ્રમુખ સેજલબેન દેસાઈ, પ્રોગ્રામ ઓફિસર ગૌરીબેન સોલંકી, સીડીપીઓ ઉર્મિલાબેન પટેલ, પાટણ શહેર ભાજપ પ્રમુખ કિશોરભાઈ મહેશ્વરી, પૂર્વ પ્રમુખ મનોજભાઈ પટેલ હેમંતભાઈ પટેલ સહિત અગ્રણીઓ ઉપસ્થિત રહ્યા હતા. , ડો.દીપ શાહ, ડો. જીગર ગાંધી સહિતના મહાનુભાવો ઉપસ્થિત રહ્યા હતા અને 80 કુપોષિત બાળકોને પોષણ કીટ અને 182 આંગણવાડી બહેનોને પ્રોત્સાહિત કરવા પાકીટનું વિતરણ કરવામાં આવ્યું હતું.