મહેસાણા જિલ્લામાં આજે સવારે વીજળીના કડાકા સાથે ભારે વરસાદ થયો હતો. ગઢ ગામમાં સવારે વીજળી પડતાં એક યુવકનું મોત થયું હતું. જેથી સમગ્ર મામલે પરિવારમાં શોકનો માહોલ જોવા મળી રહ્યો છે.
મહેસાણામાં આજે વરસાદ પડ્યો હતો. વીજળી પડવાની ઘટના પણ બની હતી. મહેસાણા તાલુકાના ગડા ગામમાં રહેતો 25 વર્ષીય ચૌધરી કનિશ સવારે અરસામાં ભેંસોના શેડમાં કામ કરતો હતો. દરમિયાન અચાનક વીજળી પડતાં યુવક આંગણામાં પડ્યો હતો. બનાવ અંગે યુવકના પરિવારજનોને જાણ થતાં તેઓ યુવકને સારવાર માટે મહેસાણા લઈ આવ્યા હતા. જ્યાં ફરજ પરના તબીબે યુવાનને મૃત જાહેર કર્યો હતો.