અંબાજીમાં પોલીસ અંબાજી વિસ્તારમાં કાયદો અને વ્યવસ્થા જાળવવા સતત કાર્યરત છે. બનાસકાંઠા જિલ્લા પોલીસની સાથે અંબાજી પોલીસ સ્ટાફની સુંદર કામગીરી સમયાંતરે જોવા મળે છે. અંબાજી આસપાસના અનેક નાના-મોટા ગામોમાં પોલીસની સક્રિયતા જોવા મળી રહી છે. અંબાજીથી એક કિલોમીટર દૂર કુંભારીયા ગ્રુપ ગ્રામ પંચાયતમાં પોલીસ દ્વારા જાહેર દરબારનું આયોજન કરવામાં આવ્યું હતું.
આ લોક દરબાર કાર્યક્રમમાં બનાસકાંઠા જિલ્લા પોલીસ વડા અક્ષયરાજ મકવાણા, ડીવાયએસપી જીજ્ઞેશ ગામેત અને અંબાજી પોલીસ ઈન્સ્પેક્ટર જી.આર.રબારી ઉપસ્થિત રહ્યા હતા. તેમની હાજરીમાં ગ્રામજનોને માહિતી આપવામાં આવી હતી. કુંભારીયા ગ્રુપ ગ્રામ પંચાયતનો કોટેશ્વર અને ચીખલા વિસ્તાર વન વિભાગ હેઠળ આવે છે. આ સંદર્ભે લાઇટની પ્રાથમિક સુવિધા ઉપલબ્ધ નથી. આ અંગે જિલ્લા પોલીસ વડા સમક્ષ રજૂઆત કરવામાં આવી હતી. જિલ્લા પોલીસ વડા અક્ષય રાજ મકવાણાએ પણ તેઓને સાંભળ્યા હતા અને સમસ્યાઓના ઝડપી નિરાકરણ માટે પ્રયાસો કરવાની ખાતરી આપી હતી. કાર્યક્રમ શરૂ થાય તે પહેલા લોકોએ તેમનું સ્વાગત કર્યું હતું અને બનાસકાંઠા જિલ્લા પોલીસ વડાનું ગ્રામ પંચાયતના સરપંચ ગોવાભાઈ ડુંગૈશા દ્વારા શાલ ઓઢાડીને સ્વાગત કરવામાં આવ્યું હતું.