ભારત અને વિદેશમાં સેલ્ફીનો ક્રેઝ એટલો વધી ગયો છે કે ઘણા લોકો પોતાનો જીવ જોખમમાં મુકી રહ્યા છે. લોકો ઘણી જગ્યાએ સેલ્ફી લેતા જોવા મળે છે. સેલ્ફીના ચક્કરમાં લોકો પોતાની હોશ ભૂલી જાય છે અને આ ભૂલ ઘણીવાર મૃત્યુમાં પરિણમે છે. આજકાલ લોકો પોતાના મોબાઈલમાં એટલા ડૂબી ગયા છે કે તેમને પોતાની આસપાસ થતી કોઈ ગતિવિધિઓ પર ધ્યાન પણ નથી પડતું અને તેનું પરિણામ તેમને પોતે જ ભોગવવું પડે છે. અંબાજી યાત્રાધામ નજીકના ગબ્બર પર્વત પરથી યુવાનો સેલ્ફી લેતા હોય તેવા જ દ્રશ્યો સામે આવ્યા છે.
યાત્રાધામ અંબાજી નજીક ગબ્બર પથ્થરો પર યુવાનો જોખમી સેલ્ફી લેતા જોવા મળે છે. જેનો વીડિયો સોશિયલ મીડિયા પર વાયરલ થયો છે. આ વીડિયોમાં ગબ્બરના દર્શન માટે આવેલા ભક્તો પોતાનો જીવ જોખમમાં મુકીને સેલ્ફી લેતા જોવા મળે છે. આવી ભૂલ મોટી ભૂલ હોઈ શકે છે. સેલ્ફી પ્રેમીઓએ આવી સેલ્ફી લેવાનું ટાળવું જોઈએ. ગબ્બર પર્વત પર આવા દ્રશ્યો સર્જાતા તંત્રએ પગલા લેવા જરૂરી બન્યા છે.