નવી દિલ્હી: રિયલ એસ્ટેટ કંપની એડોર ગ્રુપે હરિયાણા સરકાર પાસેથી ફરીદાબાદમાં 5.5 એકર જમીન 124 કરોડ રૂપિયામાં ખરીદી છે. કંપની અહીં 600 કરોડ રૂપિયાનો લક્ઝરી રેસિડેન્શિયલ પ્રોજેક્ટ વિકસાવશે. કંપનીએ બુધવારે એક નિવેદનમાં કહ્યું કે તેણે હરિયાણા સરકાર પાસેથી સેક્ટર-76, ફરીદાબાદમાં 124 કરોડ રૂપિયામાં 5.5 એકરનો પ્લોટ ખરીદ્યો છે. નિવેદન અનુસાર, કંપની અહીં 200 હાઈ-એન્ડ હાઉસનો પ્રોજેક્ટ વિકસાવશે, જેની વેચાણ કિંમત 600 કરોડ રૂપિયા આંકવામાં આવી રહી છે.
આ પ્રોજેક્ટ આ વર્ષે દિવાળીમાં શરૂ કરવામાં આવશે અને ચાર વર્ષમાં પૂર્ણ થવાની શક્યતા છે. એડોર ગ્રૂપના સ્થાપક અને ડિરેક્ટર જીતેશ ગુપ્તાએ જણાવ્યું હતું કે, “નવા પ્રોજેક્ટ સાથે, અમારું મુખ્ય ધ્યાન ઉચ્ચ મધ્યમ આવક અને પ્રીમિયમ સેગમેન્ટ્સ પર રહેશે.